7.16C Vancouver 7.16C VancouverJun 30, 2025 2:08 PM - The Canadian Press
ਵਿਨੀਪੈੱਗ ਵਿਚ ਇੱਕ 15 ਸਾਲਾ ਲੜਕੇ ਨੇ ਇੱਕ 68 ਸਾਲਾ ਬਜ਼ੁਰਗ 'ਤੇ ਅਚਾਨਕ ਚਾਕੂ ਨਾਲ ਹਮਲਾ ਕਰ ਦਿੱਤਾ, ਪੁਲਿਸ ਨੇ ਕਿਹਾ ਕਿ ਬਜ਼ੁਰਗ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ ਅਤੇ ਸ਼ੱਕੀ 'ਤੇ ਬਿਨਾਂ ਉਕਸਾਵੇ ਦੇ ਹਮਲਾ ਕਰਨ ਤੇ ਹਥਿਆਰਾਂ ਨਾਲ ਸਬੰਧਤ ਚਾਰਜ ਲਗਾਏ ਗਏ ਹਨ।
ਵਿਨੀਪੈਗ ਪੁਲਿਸ ਨੇ ਕਿਹਾ ਕਿ ਇਹ ਹਮਲਾ ਸ਼ੁੱਕਰਵਾਰ ਰਾਤ ਕਰੀਬ 8.30 ਵਜੇ ਹੈਨਰੀ ਐਵੇਨਿਊ ਦੇ 100 ਬਲਾਕ ਵਿਚ ਹਮਲਾ ਹੋਇਆ, ਚਸ਼ਮਦੀਦਾਂ ਨੇ ਪੁਲਿਸ ਨੂੰ ਦੱਸਿਆ ਕਿ 68 ਸਾਲਾ ਪੀੜਤ ਪੈਦਲ ਜਾ ਰਿਹਾ ਸੀ ਜਦੋਂ ਇੱਕ ਨੌਜਵਾਨ ਨੇ ਉਸ 'ਤੇ ਚਾਕੂ ਨਾਲ ਹਮਲਾ ਕੀਤਾ। ਉਥੇ ਮੌਜੂਦ ਲੋਕਾਂ ਨੇ ਲੜਕੇ ਨੂੰ ਘੇਰ ਕੇ ਪੁਲਿਸ ਦੇ ਆਉਣ ਤੱਕ ਫੜ੍ਹ ਕੇ ਰੱਖਿਆ, ਪੁਲਿਸ ਨੇ ਕਿਹਾ ਕਿ ਬਜ਼ੁਰਗ ਨੂੰ ਹਸਪਤਾਲ ਗੰਭੀਰ ਹਾਲਤ ਵਿਚ ਲਿਜਾਇਆ ਗਿਆ, ਜਿੱਥੇ ਉਸ ਦੀ ਹਾਲਤ ਸਥਿਰ ਹੈ।
ਗੌਰਤਲਬ ਹੈ ਕਿ 22 ਜੂਨ ਨੂੰ ਵਿਨੀਪੈਗ ਦੇ ਹੀ ਓਸਬੋਰਨ ਪਿੰਡ ਵਿਚ 23 ਸਾਲਾ ਤਨਪ੍ਰੀਤ ਕੌਰ 'ਤੇ ਕਈ ਲੋਕਾਂ ਨੇ ਹਮਲਾ ਕੀਤਾ ਸੀ, ਉਹ ਉਸ ਦਿਨ ਸ਼ਾਮ ਦੀ ਸ਼ਿਫਟ ਖਤਮ ਕਰਕੇ ਘਰ ਵਾਪਸ ਜਾ ਰਹੀ ਸੀ। ਪਿਛਲੀ ਦਿਨੀਂ ਪੁਲਿਸ ਨੇ ਇਸ ਮਾਮਲੇ ਵਿਚ 17 ਸਾਲਾ ਲੜਕੀ ਨੂੰ ਗ੍ਰਿਫਤਾਰ ਕੀਤਾ, ਜਿਸ 'ਤੇ ਲੁੱਟ-ਖੋਹ ਸਮੇਤ 7 ਚਾਰਜਿਜ਼ ਲਗਾਏ ਗਏ ਹਨ।
