9.64C Vancouver 9.64C VancouverOct 25, 2021 9:09 PM - The Canadian Press
ਬੀ.ਸੀ. ਲਾਈਫਲੈਬਸ ਦੇ ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਦਾ ਕਹਿਣਾ ਹੈ ਕਿ ਇੱਕ ਅਸਥਾਈ ਕਰਾਰ ਹੋ ਗਿਆ ਹੈ ਜਿਸ ਨਾਲ ਕਰੀਬ 1,600 ਮੈਂਬਰਾਂ ਦੇ ਹੜਤਾਲ 'ਤੇ ਜਾਣ ਤੋਂ ਬਚਾਅ ਹੋ ਗਿਆ ਹੈ।
ਬੀ.ਸੀ. ਜਨਰਲ ਐਂਪਲਾਈਸ ਯੂਨੀਅਨ ਦਾ ਕਹਿਣਾ ਹੈ ਕਿ ਉਹ ਆਸ ਕਰ ਰਹੇ ਹਨ ਕਿ ਅੱਜ ਮੈਂਬਰਾਂ ਨੂੰ ਕਰਾਰ ਸੰਬੰਧੀ ਵੇਰਵੇ ਦੱਸੇ ਜਾਣ ਅਤੇ ਇਸ ਤੋਂ ਬਾਅਦ ਡੀਲ ਨੂੰ ਮਨਜੂਰ ਜਾਂ ਨਾਮਨਜੂਰ ਕਰਨ 'ਤੇ ਵੋਟ ਹੋਵੇਗੀ।
ਜਾਣਕਾਰੀ ਦਿੱਤੀ ਗਈ ਕਿ ਓਵਰਟਾਈਮ 'ਤੇ ਬੈਨ ਅਤੇ ਵਰਕ ਟੂ ਰੂਲ ਦੇ ਜੌਬ ਐਕਸ਼ਨ ਸੰਬੰਧੀ 1 ਨਵੰਬਰ ਤਕ ਜਾਰੀ ਰਹਿਣ ਦੀ ਆਸ ਸੀ ਪਰ ਹੁਣ ਵੋਟ ਹੋਣ ਤਕ ਇਸ ਨੂੰ ਰੱਦ ਕੀਤਾ ਜਾ ਰਿਹਾ ਹੈ।
ਯਾਦ ਰਹੇ ਲਾਈਫਲੈਬਸ ਨਾਲ ਜੁੜੇ ਯੂਨੀਅਨ ਵਰਕਰਾਂ ਵੱਲੋਂ ਬੀਤੇ ਹਫ਼ਤੇ 72 ਘੰਟੇ ਦਾ ਹੜਤਾਲ ਦਾ ਨੋਟਿਸ ਜਾਰੀ ਕੀਤਾ ਗਿਆ ਸੀ।
ਉਸ ਮੌਕੇ ਲਾਈਫਲੈਬਸ ਦੇ 1,550 ਵਰਕਰਾਂ ਦੀ ਨੁਮਾਇੰਦਗੀ ਕਰਨ ਵਾਲੀ ਬੀ.ਸੀ. ਜਨਰਲ ਐਂਪਲਾਈਸ ਯੂਨੀਅਨ ਦਾ ਕਹਿਣਾ ਸੀ ਕਿ ਨਿਰਪੱਖ ਅਤੇ ਸਹੀ ਵੇਜ ਵਾਧਾ ਇੱਕ ਵੱਡਾ ਮਸਲਾ ਹੈ ਜੋ ਸੁਲਝ ਨਹੀਂ ਸਕਿਆ ਹੈ।
