ਬ੍ਰਿਟਿਸ਼ ਕੋਲੰਬੀਆ ਬੰਦਰਗਾਹ ਵਿਵਾਦ ਨੂੰ ਹੱਲ ਕਰਨ ਵਾਲੇ ਨਵੇਂ ਇਕਰਾਰਨਾਮੇ ਦੀਆਂ ਸ਼ਰਤਾਂ ਜਾਰੀ ਕੀਤੀਆਂ ਗਈਆਂ

ਬੀ.ਸੀ. ਦੇ 30 ਬੰਦਰਗਾਹਾਂ ਦੇ ਕੰਮ ਕਰਦੇ ਕਾਮਿਆਂ ਅਤੇ ਉਹਨਾਂ ਦੇ ਰੁਜ਼ਗਾਰਦਾਤਾ ਦਰਮਿਆਨ ਹੋਏ ਨਵੇਂ ਕਾਂਟਰੈਕਟ ਦੇ ਵੇਰਵੇ ਹੁਣ ਜਨਤਕ ਕਰ ਦਿੱਤੇ ਗਏ ਹਨ।

ਕੈਨੇਡਾ ਇੰਡਸਟਰੀਅਲ ਰੀਲੇਸ਼ਨਸ ਬੋਰਡ ਵਲੋਂ ਇਸ ਕਾਂਟਰੈਕਟ ਦੇ ਵੇਰਵੇ ਜਾਰੀ ਕੀਤੇ ਗਏ ਹਨ।

4 ਸਾਲਾਂ ਦੇ ਇਸ ਏਗ੍ਰੀਮੇੰਟ ਦੇ ਅਧੀਨ ਅਗਲੇ ਦੋ ਸਾਲਾਂ ਦੌਰਾਨ 5% ਤਨਖਾਹ ਵਿਚ ਵਾਧਾ ਕਰਨਾ ਅਤੇ ਉਸ ਤੋਂ ਬਾਅਦ ਵਾਲੇ ਦੋ ਸਾਲਾਂ ਦੌਰਾਨ 4% ਤਨਖਾਹ ਵਿਚ ਵਾਧਾ ਕਰਨਾ ਸ਼ਾਮਲ ਹੈ।

ਦੋਵਾਂ ਧਿਰਾਂ ਦਰਮਿਆਨ ਮੈਂਟੇਨੈਂਸ ਵਰਕ ਲਈ ਥਰਡ ਪਾਰਟੀ ਨੂੰ ਕਾਂਟਰੈਕਟ ਦੇਣ ਦੀ ਗੱਲ ਨੂੰ ਲੈਕੇ ਅਸਹਿਮਤੀ ਬਣੀ ਹੋਈ ਸੀ।

ਹੁਣ ਇਸ ਮੁੱਦੇ ਤੇ ਵੀ ਸਹਿਮਤੀ ਬਣ ਗਈ ਹੈ ਕਿ ਬੰਦਰਗਾਹਾਂ ਤੇ ਕੰਮ ਕਰਦੇ ਕਾਮਿਆਂ ਨੂੰ ਮੈਂਟੇਨੈਂਸ ਕਰਨ ਦੀ ਸਿਖਲਾਈ ਦਿੱਤੀ ਜਾਵੇਗੀ।