16.91C Vancouver 16.91C VancouverMay 25, 2022 7:18 PM - The Canadian Press
ਟੈਕਸਸ 'ਚ ਉਵਾਲਡੀ ਦੇ ਇਲਾਕੇ 'ਚ ਰੌਬ ਐਲੀਮੈਂਟਰੀ ਸਕੂਲ 'ਚ ਵਾਪਰੀ ਮਾਸ ਸ਼ੂਟਿੰਗ ਦੀ ਵਾਰਦਾਤ 'ਚ ਜਾਨ ਗਵਾਉਣ ਵਾਲਿਆਂ ਦੀ ਗਿਣਤੀ 21 ਤਕ ਪਹੁੰਚ ਗਈ ਹੈ।
ਪੀੜਤਾਂ 'ਚ 19 ਬੱਚੇ ਅਤੇ 2 ਅਧਿਆਪਕ ਸ਼ਾਮਿਲ ਦੱਸੇ ਗਏ ਹਨ।
ਪੀੜਤਾਂ ਦੀ ਅਧਿਕਾਰਤ ਤੌਰ 'ਤੇ ਪਛਾਣ ਹੋਣਾ ਬਾਕੀ ਹੈ ਪਰ ਸੋਸ਼ਲ ਮੀਡੀਆ 'ਤੇ ਸਾਂਝੇ ਕੀਤੇ ਜਾ ਰਹੇ ਸੰਦੇਸ਼ਾਂ 'ਚ ਪੀੜਤ ਬੱਚਿਆਂ ਅਤੇ ਅਧਿਆਪਕਾਂ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ।
ਪੀੜਤਾਂ ਨੂੰ ਸ਼ਰਧਾਂਜਲੀ ਪੇਸ਼ ਕੀਤੀ ਜਾ ਰਹੀ ਹੈ।
ਮੰਗਲਵਾਰ ਸਵੇਰ ਦੇ ਸਮੇਂ ਕਰੀਬ 11.30 ਵਜੇ ਹਮਲੇ ਨੂੰ ਅੰਜਾਮ ਦਿੱਤਾ ਗਿਆ ਸੀ।
ਇਸ ਸਕੂਲ 'ਚ ਦੂਜੀ, ਤੀਜੀ ਅਤੇ ਚੌਥੀ ਜਮਾਤ ਦੇ ਬੱਚੇ ਪੜ੍ਹਦੇ ਸਨ। ਜਾਣਕਾਰੀ ਦਿੱਤੀ ਗਈ ਕਿ ਸ਼ੱਕੀ ਨੇ ਇਕੱਲਿਆਂ ਹੀ ਘਟਨਾ ਨੂੰ ਅੰਜਾਮ ਦਿੱਤਾ ਸੀ।
ਘਟਨਾ ਨੂੰ ਅੰਜਾਮ ਦੇਣ ਵਾਲੇ ਸ਼ੂਟਰ ਦੀ ਵੀ ਮੌਤ ਹੋ ਚੁੱਕੀ ਹੈ।
ਸ਼ੂਟਰ ਦੀ ਪਛਾਣ 18 ਸਾਲਾ ਸੈਲਵੇਡੌਰ ਰਾਮੋਸ ਵਜੋਂ ਹੋਈ ਹੈ।
ਜਾਣਕਾਰੀ ਦਿੱਤੀ ਗਈ ਕਿ ਸ਼ੂਟਰ ਨੇ ਸਕੂਲ 'ਚ ਖੁਦ ਨੂੰ ਇੱਕ ਕਲਾਸ 'ਚ ਬੰਦ ਕਰ ਲਿਆ ਸੀ ਅਤੇ ਜੋ ਵੀ ਉਸ ਕਮਰੇ ਕੋਲ ਜਾ ਰਿਹਾ ਸੀ, ਸ਼ੂਟਰ ਉਸ ਨੂੰ ਨਿਸ਼ਾਨਾ ਬਣਾਉਂਦਾ ਜਾ ਰਿਹਾ ਸੀ।
ਬਾਅਦ 'ਚ ਪੁਲਿਸ ਨੇ ਸ਼ੂਟਰ ਨੂੰ ਉਸੇ ਕਮਰੇ 'ਚ ਮਾਰ ਗਿਰਾਇਆ।
ਇਹ ਵੀ ਜਾਣਕਾਰੀ ਦਿੱਤੀ ਗਈ ਕਿ ਸ਼ੂਟਰ ਨੇ ਸਕੂਲ ਤਕ ਪਹੁੰਚਣ ਤੋਂ ਪਹਿਲਾਂ ਆਪਣੀ ਦਾਦੀ ਨੂੰ ਵੀ ਗੋਲੀ ਮਾਰ ਦਿੱਤੀ ਸੀ।
ਪੀੜਤ ਬੱਚਿਆਂ 'ਚ ਰੋਜੈਲੀਓ ਟੌਰੇਸ, ਐਲੀ ਲੂਗੋ, ਨੇਵਾਏ ਬਰਾਵੋ, ਉਜ਼ੀਆਹ ਗਾਰਸੀਆ, ਜ਼ੇਵੀਰ ਲੋਪੇਜ਼, ਜੋਸੇ ਫਲੋਰੇਸ ਜੂਨੀਅਰ, ਐਲਿਆਹਨਾ ਕਰੂਜ਼ ਟੌਰੇਸ, ਲੈਕਸੀ ਰੂਬੀਓ, ਟੈਸ ਮਾਰੀ ਮੈਟਾ, ਅਮੀਰੀ ਜੋ ਗਾਰਜ਼ਾ, ਐਨਾਬੈਲ ਗੁਆਡਾ ਲੂਪ ਰੋਡਰੀਗੇਜ਼, ਮੈਕੈਨਾ ਲੀ ਐਲਰੌਡ, ਜੇਸ ਕਾਰਮੈਲੋ ਲੂਵੈਨੋਸ, ਜੇਲਾਹ ਨਿਕੋਲ ਸਿਲਗੁਐਰੋ, ਐਲੀਥੀਆ ਰਾਮੀਰੇਜ਼, ਮਿਰਾਂਡਾ ਮੈਥੀਸ ਅਤੇ ਮੇਟੀ ਯੂਲੇਆਨਾ ਵਜੋਂ ਹੋਈ ਹੈ।
ਇਸ ਹਮਲੇ 'ਚ ਜਾਨ ਗਵਾਉਣ ਵਾਲੀਆਂ ਟੀਚਰਾਂ ਦੀ ਪਛਾਣ ਇਰਮਾ ਗਾਰਸੀਆ ਅਤੇ ਈਵਾ ਮਿਰੇਲੇਸ ਵਜੋਂ ਹੋਈ ਹੈ।
ਪੀੜਤਾਂ ਸੰਬੰਧੀ ਸਾਹਮਣੇ ਆਈਆਂ ਤਸਵੀਰਾਂ ਕਨੈਕਟ ਐਫ.ਐਮ. ਦੇ ਫੇਸਬੁੱਕ ਪੇਜ 'ਤੇ ਸਾਂਝੀਆਂ ਕੀਤੀਆਂ ਗਈਆਂ ਹਨ।
