ਪੰਜਾਬ ਦੇ 8 ਕਾਲਜਾਂ ਨੂੰ ਖ਼ੁਦਮੁਖ਼ਤਿਆਰ ਬਣਾਉਣ ਦਾ ਫ਼ੈਸਲਾ ਹਾਲ ਦੀ ਘੜੀ ਰੋਕਿਆ

ਪੰਜਾਬ ਸਰਕਾਰ ਨੇ 8 ਸਰਕਾਰੀ ਕਾਲਜਾਂ ਨੂੰ (ਖੁਦਮੁਖਤਿਆਰੀ) ਕਾਲਜ ਵਜੋਂ ਅਪਗ੍ਰੇਡ ਕਰਨ ਦੇ ਆਪਣੇ ਫੈਸਲੇ ’ਤੇ ਯੂ-ਟਰਨ ਲਿਆ ਹੈ। ਖੁਦਮੁਖਤਿਆਰੀ ਸਟੇਟਸ ਤਹਿਤ ਇਨ੍ਹਾਂ ਕਾਲਜਾਂ ਨੂੰ ਫੀਸ ਤੋਂ ਲੈ ਕੇ ਹੋਰ ਕਈ ਕੰਮਾਂ ਲਈ ਫੈਸਲੇ ਲੈਣ ਦੀ ਸੁਤੰਤਰਤਾ ਮਿਲਣੀ ਸੀ ਪਰ ਵਿਰੋਧੀ ਧਿਰਾਂ ਨੇ ਆਮ ਆਦਮੀ ਪਾਰਟੀ ਨੂੰ ਇਸ ਮੁੱਦੇ ’ਤੇ ਘੇਰਨਾ ਸ਼ੁਰੂ ਕਰ ਦਿੱਤਾ ਸੀ।

ਉਨ੍ਹਾਂ ਦਾ ਕਹਿਣਾ ਸੀ ਕਿ ਆਮ ਆਦਮੀ ਪਾਰਟੀ ਸਿੱਖਿਆ ਅਤੇ ਸਿਹਤ ਦੇ ਮੁੱਦੇ ’ਤੇ ਸੱਤਾ ਵਿਚ ਆਈ ਸੀ ਜੋ ਹੁਣ ਸਰਕਾਰੀ ਕਾਲਜਾਂ ਦਾ ਸਟੇਟਸ ਬਦਲ ਕੇ ਗਰੀਬਾਂ ਲਈ ਇਨ੍ਹਾਂ ਨੂੰ ਮਹਿੰਗਾ ਬਣਾਉਣ ਦਾ ਕੰਮ ਕਰ ਰਹੀ ਹੈ।

ਸੂਬਾ ਕਾਂਗਰਸ ਨੇ ਇਸ ਮੁੱਦੇ ’ਤੇ ਪ੍ਰਦਰਸ਼ਨ ਕਰਨ ਦੀ ਵੀ ਚਿਤਾਵਨੀ ਦਿੱਤੀ ਸੀ। ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਇਸ ਪੌਲਿਸੀ ’ਤੇ ਹੁਣ ਅੱਗੇ ਨਾ ਵਧਣ ਦੇ ਆਦੇਸ਼ ਦਿੱਤੇ ਹਨ।