11.02C Vancouver 11.02C VancouverJul 30, 2024 4:18 PM - Connect Newsroom
ਭਾਰਤੀ ਸੰਸਦ ਸੈਸ਼ਨ ਦੇ ਸੱਤਵੇਂ ਦਿਨ ਜਾਤੀ ਜਨਗਣਨਾ ਨੂੰ ਲੈ ਕੇ ਭਾਜਪਾ ਸਾਂਸਦ ਅਨੁਰਾਗ ਠਾਕੁਰ ਦੀ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਨਾਲ ਤਿੱਖੀ ਬਹਿਸ ਹੋਈ।
ਅਨੁਰਾਗ ਠਾਕੁਰ ਨੇ ਰਾਹੁਲ ਗਾਂਧੀ ’ਤੇ ਹਮਲਾ ਬੋਲਦੇ ਕਿਹਾ ਕਿ ਤੁਹਾਨੂੰ ਬੋਲਣ ਲਈ ਪਰਚੀ ਆਉਂਦੀ ਹੈ, ਉਧਾਰ ਦੀ ਬੁੱਧੀ ਨਾਲ ਰਾਜਨੀਤੀ ਨਹੀਂ ਚੱਲਦੀ।
ਠਾਕੁਰ ਨੇ ਫਿਰ ਕਿਹਾ ਅੱਜ ਕੱਲ੍ਹ ਕੁਝ ਲੋਕਾਂ ’ਤੇ ਜਾਤੀ ਜਨਗਣਨਾ ਦਾ ਭੂਤ ਸਵਾਰ ਹੈ, ਜਿਸ ਦੀ ਜਾਤੀ ਦਾ ਪਤਾ ਨਹੀਂ, ਉਹ ਜਾਤੀ ਜਨਗਣਨਾ ਦੀ ਗੱਲ ਕਰਦਾ ਹੈ। ਇਸ ’ਤੇ ਰਾਹੁਲ ਗਾਂਧੀ ਭੜਕ ਗਏ ਉਨ੍ਹਾਂ ਅਨੁਰਾਗ ਠਾਕੁਰ ’ਤੇ ਉਨ੍ਹਾਂ ਨੂੰ ਗਾਲ੍ਹ ਕੱਢਣ ਦਾ ਦੋਸ਼ ਲਗਾਇਆ ਤੇ ਕਿਹਾ ਕਿ ਅਸੀਂ ਜਾਤੀ ਜਨਗਣਨਾ ਚਾਹੁੰਦੇ ਹਾਂ ਅਤੇ ਕਰਵਾ ਕੇ ਰਾਹਾਂਗੇ।
ਇਸ ’ਤੇ ਅਨੁਰਾਗ ਠਾਕੁਰ ਨੇ ਫਿਰ ਤੋਂ ਤੰਜ ਕੱਸਿਆ ਤੇ ਕਿਹਾ ਕਿ ਉਸ ਵਿਚ ਤੁਹਾਨੂੰ ਆਪਣੀ ਜਾਤੀ ਵੀ ਲਿਖਣੀ ਪਵੇਗੀ।
ਗੌਰਤਲਬ ਹੈ ਕਿ ਰਾਹੁਲ ਗਾਂਧੀ ਵਾਰ-ਵਾਰ ਜਾਤੀ ਜਨਗਣਨਾ ਕਰਵਾਉਣ ਦਾ ਮੁੱਦਾ ਉਠਾ ਰਹੇ ਹਨ। ਜੋ ਜਾਤੀ ਜਨਗਣਨਾ ਦੇ ਸਮਰਥਨ ਵਿਚ ਹਨ ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਨਾਲ ਨੀਤੀਆਂ ਬਣਾਉਣ ਵਿਚ ਮਦਦ ਮਿਲੇਗੀ, ਉਥੇ ਹੀ ਇਸ ਦਾ ਵਿਰੋਧ ਕਰਨ ਵਾਲਿਆਂ ਦੀ ਦਲੀਲ ਹੈ ਕਿ ਇਹ ਸਮਾਜ ਨੂੰ ਵੰਡਣ ਵਾਲਾ ਕਦਮ ਹੈ।
