20.61C Vancouver 20.61C VancouverAug 8, 2024 7:17 PM - Connect Newsroom
ਭਾਰਤੀ ਹਾਕੀ ਟੀਮ ਨੇ ਅੱਜ ਪੈਰਿਸ ਓਲਿੰਪਕ ਵਿਚ ਕਾਂਸੀ ਦਾ ਤਗਮਾ ਮੈਚ ਵਿਚ ਸਪੇਨ ਨੂੰ 2-1 ਨਾਲ ਹਰਾ ਕੇ ਇਤਿਹਾਸ ਰਚ ਦਿੱਤਾ। ਇਹ ਲਗਾਤਾਰ ਦੂਜੀ ਵਾਰ ਹੈ ਜਦੋਂ ਭਾਰਤ ਨੇ ਓਲਿੰਪਕ ਹਾਕੀ ਟੂਰਨਾਮੈਂਟ ਵਿਚ ਕਾਂਸੀ ਦਾ ਤਗਮਾ ਆਪਣੇ ਨਾਮ ਕੀਤਾ ਹੈ। ਇਸ ਤੋਂ ਪਹਿਲਾਂ ਟੋਕੀਓ ਓਲਿੰਪਕ ਵਿਚ ਭਾਰਤੀ ਹਾਕੀ ਟੀਮ ਇਹ ਮੈਡਲ ਜਿੱਤਿਆ ਸੀ।
ਭਾਰਤ ਲਈ ਇਸ ਮੈਚ ਵਿਚ ਦੋਵੇਂ ਗੋਲ ਕਪਤਾਨ ਹਰਮਨਪ੍ਰੀਤ ਸਿੰਘ ਨੇ ਕੀਤੇ। ਇਸ ਤੋਂ ਬਾਅਦ ਭਾਰਤੀ ਡਿਫੈਂਡਰਸ ਨੇ ਦਮਦਾਰ ਖੇਡ ਦਿਖਾਉਂਦੇ ਹੋਏ ਸਪੇਨ ਨੂੰ ਬਰਾਬਰੀ ਕਰਨ ਦਾ ਕੋਈ ਮੌਕਾ ਨਹੀਂ ਦਿੱਤਾ। ਹਰਮਨਪ੍ਰੀਤ ਨੇ ਪਹਿਲਾ ਗੋਲ 30ਵੇਂ ਮਿੰਟ ਵਿਚ ਅਤੇ ਦੂਜਾ 33ਵੇਂ ਮਿੰਟ ਵਿਚ ਕੀਤਾ। ਇਹ ਦੋਵੇਂ ਗੋਲ ਪੈਨਲਟੀ ਕਾਰਨਰ ’ਤੇ ਕੀਤੇ ਗਏ ਸਨ।
ਉਥੇ ਹੀ ਸਪੇਨ ਵਲੋਂ ਇਕਲੌਤਾ ਗੋਲ 18ਵੇਂ ਮਿੰਟ ਵਿਚ ਮਾਰਕ ਮਿਰਾਲੇਸ ਵਲੋਂ ਪੈਨਲਟੀ ਸਟਾਕ ’ਤੇ ਕੀਤਾ ਗਿਆ ਸੀ, ਜਿਸ ਤੋਂ ਬਾਅਦ ਸਪੇਨ ਨੂੰ ਦੁਬਾਰਾ ਗੋਲ ਦਾ ਮੌਕਾ ਨਹੀਂ ਮਿਲਿਆ, ਇਸ ਤਰ੍ਹਾਂ ਪੈਰਿਸ ਓਲਿੰਪਕ ਵਿਚ ਭਾਰਤ ਦੇ ਖਾਤੇ ਵਿਚ ਚੌਥਾ ਮੈਡਲ ਆਇਆ ਹੈ। ਇਸ ਤੋਂ ਪਹਿਲਾਂ ਤਿੰਨ ਮੈਡਲ ਨਿਸ਼ਾਨੇਬਾਜ਼ੀ ਵਿਚ ਆਏ ਸਨ।
