20.13C Vancouver 20.13C VancouverSep 14, 2021 9:06 PM -
ਲੈਂਗਲੀ 'ਚ ਸੀਰੀਅਸ ਕਰਾਈਮ ਜਾਂਚ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਤਿੱਖੀ ਨਜਰ ਰੱਖਣ ਵਾਲੇ ਗਵਾਹ ਲਾਪਤਾ ਹੋਈ ਨਾਓਮੀ ਓਨੋਟੇਰਾ ਦੀ ਭਾਲ 'ਚ ਮਦਦ ਕਰ ਸਕਦੇ ਹਨ।
ਪੁਲਿਸ ਦਾ ਕਹਿਣਾ ਹੈ ਕਿ ਅਜਿਹੇ ਗਵਾਹਾਂ ਆਸਰੇ ਇਸ ਮਾਮਲੇ 'ਚ ਹੋਰ ਸਬੂਤ ਹੱਥ ਲਗ ਸਕਦੇ ਹਨ।
ਨਾਓਮੀ ਓਨੋਟੇਰਾ ਨੂੰ ਆਖਰੀ ਵਾਰ 28 ਅਗਸਤ ਨੂੰ ਵੇਖਿਆ ਗਿਆ ਸੀ।
ਪੁਲਿਸ ਨੇ ਦੱਸਿਆ ਕਿ ਉਸ ਦਿਨ 40 ਸਾਲਾ ਓਨੋਟੇਰਾ ਆਪਣੀ ਗੱਡੀ ਲਏ ਬਿਨਾ ਹੀ ਘਰੋਂ ਨਿਕਲ ਗਈ ਸੀ।
ਹਾਲਾਂਕਿ ਹੁਣ ਪੁਲਿਸ ਨੇ ਗੱਡੀ ਦੀ ਤਸਵੀਰ ਜਾਰੀ ਕਰਦੇ ਹੋਏ ਇਸ 2018 ਸੁਬਰੂ ਕਰੌਸਟਰੈਕ ਗੱਡੀ ਦੀ 25 ਅਗਸਤ ਤੋਂ ਬਾਅਦ ਦੀ ਆਵਾਜਾਈ ਬਾਰੇ ਜਾਣਕਾਰੀ ਹਾਸਿਲ ਕਰਨ 'ਚ ਲੋਕਾਂ ਤੋਂ ਮਦਦ ਦੀ ਅਪੀਲ ਕੀਤੀ ਹੈ।
ਇਸ ਵਾਹਨ 'ਤੇ ਇੱਕ ਗ੍ਰੇਟਰ ਵੈਨਕੂਵਰ ਜ਼ੂ ਦਾ ਸਟਿੱਕਰ ਲੱਗਿਆ ਹੈ।
ਲਾਪਤਾ ਔਰਤ ਇੱਕ ਕਿੰਡਰਗਾਰਟਨ ਅਧਿਆਪਕਾ ਹੈ ਅਤੇ ਉਸ ਦੀ ਇੱਕ 18 ਮਹੀਨੇ ਦੀ ਬੱਚੀ ਹੈ।
