13.97C Vancouver 13.97C VancouverAug 13, 2024 4:07 PM - The Canadian Press
ਕੈਨੇਡਾ ਵਿਚ ਗ੍ਰੇਟ ਵੈਲਿਊ ਅਤੇ ਸਿਲਕ ਪਲਾਂਟ ਦੇ ਪਲਾਂਟ ਆਧਾਰਿਤ ਦੁੱਧ ਨਾਲ ਜੁੜੇ ਲਿਸਟੀਰੀਆ ਸੰਕਰਮਣ ਨਾਲ ਓਨਟਾਰੀਓ ਵਿਚ ਤੀਜੇ ਵਿਅਕਤੀ ਦੀ ਮੌਤ ਹੋ ਗਈ ਹੈ। ਪਬਲਿਕ ਹੈਲਥ ਏਜੰਸੀ ਆਫ਼ ਕੈਨੇਡਾ ਨੇ 4 ਸੂਬਿਆਂ ਵਿਚ ਲਿਸਟੀਰੀਆ ਦੇ 20 ਮਾਮਲੇ ਸਾਹਮਣੇ ਆਉਣ ਦੀ ਪੁਸ਼ਟੀ ਕੀਤੀ ਹੈ।
ਏਜੰਸੀ ਨੇ ਕਿਹਾ ਕਿ ਇਹ ਲੋਕ ਅਗਸਤ 2023 ਤੋਂ ਜੁਲਾਈ 2024 ਵਿਚਕਾਰ ਬਿਮਾਰ ਹੋਏ। ਇਨ੍ਹਾਂ ਵਿਚੋਂ 13 ਮਾਮਲੇ ਓਨਟਾਰੀਓ ਵਿਚ, ਪੰਜ ਕਿਊਬੈਕ ਵਿਚ, ਇੱਕ ਨੋਵਾ ਸਕੋਸ਼ੀਆ ਵਿਚ ਅਤੇ ਇੱਕ ਮਾਮਲਾ ਐਲਬਰਟਾ ਵਿਚ ਸੀ।
ਪਬਲਿਕ ਹੈਲਥ ਏਜੰਸੀ ਆਫ਼ ਕੈਨੇਡਾ ਨੇ ਜਿਨ੍ਹਾਂ ਪਲਾਂਟ ਆਧਾਰਿਤ ਦੁੱਧ ਨੂੰ ਲੈ ਕੇ ਚਿਤਾਵਨੀ ਦਿੱਤੀ ਸੀ, ਉਨ੍ਹਾਂ ਵਿਚ ਸਿਲਕ ਪਲਾਂਟ ਦਾ ਓਟ ਦਾ ਦੁੱਧ,ਬਦਾਮ ਦਾ ਦੁੱਧ, ਨਾਰੀਅਲ ਦਾ ਦੁੱਧ, ਬਦਾਮ-ਨਾਰੀਅਲ ਦਾ ਦੁੱਧ ਅਤੇ ਬਦਾਮ-ਕਾਜੂ ਦਾ ਦੁੱਧ ਤੋਂ ਇਲਾਵਾ ਗ੍ਰੇਟ ਵੈਲਿਆ ਬ੍ਰੈਡ ਦਾ ਬਾਦਾਮ ਦਾ ਦੁੱਧ ਸ਼ਾਮਲ ਹਨ, ਜਿਨ੍ਹਾਂ ਦੀ ਤਾਰੀਖਾਂ ਤੋਂ ਪਹਿਲਾਂ 4 ਅਕਤੂਬਰ ਅਤੇ ਪ੍ਰੋਡਕਟ ਕੋਡ 7825 ਹੈ।
ਕੈਨੇਡੀਅਨ ਫੂਡ ਇੰਸਪੈਕਸ਼ਨ ਏਜੰਸੀ ਮੁਤਾਬਕ, ਲਿਸਟੀਰੀਆ ਸੰਕਰਮਣ ਦੀ ਉਤਪੱਤੀ ਇੱਕ ਥਰਡ ਪਾਰਟੀ ਪੀਣ ਵਾਲੇ ਪਦਾਰਥਾਂ ਦੀ ਪੈਕੇਜਿੰਗ ਸਹੂਲਤ ਤੋਂ ਹੋਈ, ਜਿਸ ਦਾ ਇਸਤੇਮਾਲ ਪਲਾਂਟ ਦੁੱਧ ਨਿਰਮਾਤਾ ਵਲੋਂ ਕੀਤਾ ਜਾਂਦਾ ਹੈ।
