ਐਡਮਿੰਟਨ ਵਿਚ ਫਰਵਰੀ ਮਹੀਨੇ ਹੋਏ ਕਤਲ ਮਾਮਲੇ ਵਿਚ ਪੁਲਿਸ ਨੇ ਤੀਜੇ ਸ਼ੱਕੀ ਨੂੰ ਲਿਆ ਹਿਰਾਸਤ ਵਿੱਚ

ਐਡਮਿੰਟਨ ਵਿਚ ਫਰਵਰੀ ਮਹੀਨੇ ਕਤਲ ਹੋਏ ਸੁਖਵੀਰ ਸਿੰਘ ਦੇ ਮਾਮਲੇ ਵਿਚ ਪੁਲਿਸ ਨੇ ਤੀਜੇ ਸ਼ੱਕੀ ਨੂੰ ਹਿਰਾਸਤ ਵਿਚ ਲਿਆ ਹੈ। 32 ਸਾਲਾ ਸੁਖਵੀਰ ਦੀ ਲਾਸ਼ 28 ਫਰਵਰੀ ਨੂੰ 17 ਸਟ੍ਰੀਟ ਅਤੇ ਯੈਲੋਹੈੱਡ ਟ੍ਰੇਲ ਕੋਲ ਮਿਲੀ ਸੀ। ਪੋਸਟਮਾਰਟਮ ਵਿਚ ਪੁਸ਼ਟੀ ਹੋਈ ਕਿ ਉਸ ਦਾ ਕਤਲ ਹੋਇਆ ਹੈ।

ਮੰਗਲਵਾਰ ਪੁਲਿਸ ਨੇ ਇਸ ਕਤਲਕਾਂਡ ਵਿਚ ਸ਼ਾਮਿਲ 22 ਸਾਲਾ ਜਸਮੀਤ ਸਿੰਘ ਨੂੰ ਹਿਰਾਸਤ ਵਿਚ ਲਿਆ ਹੈ। ਉਸ ਨੂੰ ਫਸਟ ਡਿਗਰੀ ਮਰਡਰ ਅਤੇ ਕਿਡਨੈਪ ਕਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਇਸ ਤੋਂ ਪਹਿਲਾਂ 29 ਸਾਲਾ ਮਨਪ੍ਰੀਤ ਬਰਾੜ ਨੂੰ 10 ਮਾਰਚ ਨੂੰ ਅਤੇ 21 ਸਾਲਾ ਗੁਰਸਿਮਰਨ ਸਿੰਘ ਨੂੰ 13 ਮਾਰਚ ਨੂੰ ਹਿਰਾਸਤ ਵਿਚ ਲਿਆ ਗਿਆ ਸੀ।

ਇਸ ਮਾਮਲੇ ਦੇ ਇਕ ਹੋਰ ਸ਼ੱਕੀ 27 ਸਾਲਾ ਲਵਪ੍ਰੀਤ ਸਿੱਧੂ ਦੀ ਭਾਲ ਲਈ ਕੈਨੇਡਾ ਭਰ ਵਿਚ ਵਾਰੰਟ ਜਾਰੀ ਕੀਤਾ ਗਿਆ ਹੈ।