13.99C Vancouver 13.99C VancouverJan 21, 2021 8:22 PM -
ਬੀ.ਸੀ. 'ਚ ਪਬਲਿਕ ਸੇਫਟੀ ਮੰਤਰੀ ਦਾ ਕਹਿਣਾ ਹੈ ਕਿ ਜਿਹੜੇ ਲੋਕ ਕੋਵਿਡ-19 ਸੰਬੰਧੀ ਨਿਰਦੇਸ਼ਾਂ ਦੀ ਉਲੰਘਣਾ ਕਰਦੇ ਰਹਿਣਗੇ, ਉਨ੍ਹਾਂ 'ਤੇ ਵਧੇਰੇ ਜੁਰਮਾਨੇ ਲਗਾਉਣਾ ਜਾਰੀ ਰੱਖਿਆ ਜਾਵੇਗਾ।
ਉਨ੍ਹਾਂ ਇਹ ਵੀ ਕਿਹਾ ਕਿ ਅਜਿਹੇ ਲੋਕਾਂ ਨੂੰ ਜੁਰਮਾਨੇਆਂ ਤੋਂ ਵਧੇਰੇ ਸਖਤਾਈ ਦਾ ਸਾਹਮਣਾ ਵੀ ਕਰਨਾ ਪੈ ਸਕਦਾ ਹੈ।
ਇਹ ਟਿੱਪਣੀ ਉਸ ਵੇਲੇ ਕੀਤੀ ਗਈ ਹੈ ਜਦ ਜਾਣਕਾਰੀ ਦਿੱਤੀ ਗਈ ਕਿ ਸੂਬੇ 'ਚ ਜਾਰੀ ਕੀਤੇ ਗਏ ਕੁੱਲ ਜੁਰਮਾਨੇਆਂ 'ਚ ਕਰੀਬ ਅੱਧੇ ਤੋਂ ਵੱਧ ਸਿਰਫ ਪਿਛਲੇ ਮਹੀਨੇ ਜਾਰੀ ਹੋਏ ਸਨ।
ਪਬਲਿਕ ਸੇਫਟੀ ਮੰਤਰੀ ਮਾਈਕ ਫਾਰਨਵਰਥ ਦਾ ਕਹਿਣਾ ਹੈ ਕਿ ਹਾਲ ਦੀਆਂ ਕੁਝ ਘਟਨਾਵਾਂ, ਜਿਵੇਂ ਕਿ ਵੈਨਕੂਵਰ ਦੇ ਇੱਕ ਜੋੜੇ ਦਾ ਇੱਕ ਜਿਮ 'ਚ ਲੋਕਾਂ 'ਤੇ ਖੰਘਣਾ, ਨਿੰਦਣਯੋਗ ਅਤੇ ਅਪਮਾਨਜਨਕ ਹੈ।
ਹਾਲਾਂਕਿ ਉਨ੍ਹਾਂ ਇਹ ਵੀ ਕਿਹਾ ਕਿ ਬਹੁਤੇ ਲੋਕ ਇਹਨਾਂ ਨਿਰਦੇਸ਼ਾਂ ਦਾ ਪਾਲਣ ਕਰ ਰਹੇ ਹਨ।
ਬੀਤੇ 2 ਹਫ਼ਤਿਆਂ ਦੌਰਾਨ ਸੂਬੇ 'ਚ 119 ਟਿਕਟ ਜਾਰੀ ਕੀਤੇ ਜਾ ਚੁੱਕੇ ਹਨ।
ਇਸ 'ਚ 16 ਟਿਕਟ ਅਜਿਹੇ ਸਨ ਜੋ ਕਿ $2,300 ਤੋਂ ਵਧੇਰੇ ਦੇ ਸਨ।
ਯਾਦ ਰਹੇ ਸੂਬੇ 'ਚ ਜੁਰਮਾਨੇ ਠੋਕੇ ਜਾਣ ਦੀ ਸ਼ੁਰੂਆਤ ਬੀਤੇ ਸਾਲ 21 ਅਗਸਤ ਤੋਂ ਹੋਈ ਸੀ।
ਇਸ ਦੌਰਾਨ ਕੁੱਲ 693 ਟਿਕਟ ਜਾਰੀ ਕੀਤੇ ਗਏ ਹਨ।
