27.82C Vancouver 27.82C VancouverJul 30, 2020 2:18 AM -
ਫਰਾਂਸ ਦੇ ਸ਼ਹਿਰ ਦੇ ਬੋਰਡੇਓਸਕ 'ਚ ਮੈਰੀਗ੍ਰੈਕ ਏਅਰ ਫੋਰਸ ਬੇਸ ਤੋਂ ਸੋਮਵਾਰ ਨੂੰ ਰਵਾਨਾ ਹੋਏ ਪੰਜ ਰਾਫੇਲ ਜਹਾਜ਼ਾਂ ਦਾ ਪਹਿਲਾ ਜੱਥਾ ਭਾਰਤ ਵਿੱਚ ਅੰਬਾਲਾ ਏਅਰਫੋਰਸ ਬੇਸ ਪਹੁੰਚ ਗਿਆ ਹੈ।
ਇਹ ਜਹਾਜ਼ 29 ਜੁਲਾਈ ਦੀ ਦੁਪਹਿਰ ਅੰਬਾਲਾ ਪਹੁੰਚੇ। ਇੱਥੇ ਏਅਰ ਫੋਰਸ ਦੇ ਚੀਫ ਆਰ.ਕੇ.ਐਸ. ਭਦੋਰੀਆ ਨੇ ਰਸਮੀ ਸਮਾਰੋਹ ਵਿੱਚ ਇਨ੍ਹਾਂ ਜਹਾਜ਼ਾਂ ਦਾ ਸਵਾਗਤ ਕੀਤਾ।
ਸੁਖੋਈ ਫਾਈਟਰ ਜੈਟ ਨੇ ਰਾਫੇਲ ਜੈਟ ਜਹਾਜ਼ਾਂ ਦੀ ਅੰਬਾਲਾ ਪਹੁੰਚਣ ਸਮੇਂ ਅਗਵਾਈ ਕੀਤੀ।
ਭਾਰਤ ਦੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਇਸ ਤੋਂ ਬਾਅਦ ਇੱਕ ਟਵੀਟ ਕੀਤਾ ਅਤੇ ਕਿਹਾ ਕਿ ਹੁਣ ਜੇਕਰ ਕਿਸੇ ਨੂੰ ਭਾਰਤ ਦੀ ਏਅਰਫੋਰਸ ਬਾਰੇ ਤਾਕਤ ਬਾਰੇ ਕੋਈ ਸ਼ੱਕ ਹੈ, ਤਾਂ ਇਹ ਉਹ ਲੋਕ ਹੋਣੇ ਚਾਹੀਦੇ ਹਨ, ਜੋ ਭਾਰਤ ਦੀ ਖੇਤਰੀ ਇਕਸਾਰਤਾ ਨੂੰ ਖਤਮ ਕਰਨਾ ਚਾਹੁੰਦੇ ਹਨ।
ਉਨ੍ਹਾਂ ਲਿਖਿਆ, "ਮੈਂ ਦੱਸਣਾ ਚਾਹੁੰਦਾ ਹਾਂ, ਜੇਕਰ ਕੋਈ ਭਾਰਤ ਦੀ ਏਅਰ ਫੋਰਸ ਦੀ ਤਾਕਤ 'ਤੇ ਸ਼ੱਕ ਕਰਦਾ ਹੈ, ਜਾਂ ਇਸ ਦੀ ਆਲੋਚਨਾ ਕਰਨਾ ਚਾਹੁੰਦਾ ਹੈ, ਤਾਂ ਇਹ ਸਿਰਫ ਓਹੀ ਲੋਕ ਹੋ ਸਕਦੇ ਹਨ, ਜੋ ਭਾਰਤ ਦੀ ਖੇਤਰੀ ਇਕਸਾਰਤਾ 'ਤੇ ਸ਼ੱਕ ਕਰਦੇ ਹਨ।"
ਯਾਦ ਰਹੇ ਅੱਜ ਰਾਫੇਲ ਦੇ ਲਈ ਅੰਬਾਲਾ ਏਅਰਫੋਰਸ 'ਚ ਪੂਰੀ ਤਿਆਰੀ ਕੀਤੀ ਗਈ।
