14.56C Vancouver 14.56C VancouverNov 18, 2021 2:34 AM - The Canadian Press
ਬੀ.ਸੀ. ਦੀ ਐਗਰੀਕਲਚਰ ਮੰਤਰੀ ਲਾਨਾ ਪੌਪਹਮ ਨੇ ਅੱਜ ਜਾਣਕਾਰੀ ਦਿੱਤੀ ਹੈ ਕਿ ਸੂਬੇ 'ਚ ਹੜ੍ਹਾਂ ਕਾਰਨ ਹਜ਼ਾਰਾਂ ਪਸ਼ੂਆਂ ਦੀ ਮੌਤ ਹੋ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਹੜ੍ਹਾਂ ਵਿਚਾਲੇ ਸਾਰੇ ਕਿਸਾਨਾਂ ਕੋਲ ਇੰਨਾ ਸਮਾਂ ਜਾਂ ਸਾਧਨ ਨਹੀਂ ਸਨ ਕਿ ਆਪਣੇ ਪਸ਼ੂਆਂ ਨੂੰ ਬਚਾ ਕੇ ਕੱਢ ਪਾਉਂਦੇ।
ਉਨ੍ਹਾਂ ਕਿਹਾ ਕਿ ਤੇਜੀ ਨਾਲ ਵਧੇ ਪਾਣੀ ਦੇ ਪੱਧਰ ਵਿਚਾਲੇ ਕਈ ਥਾਵਾਂ 'ਤੇ ਲੋਕ ਪਸ਼ੂਆਂ ਨੂੰ ਛੱਡ ਕੇ ਸੁਰੱਖਿਅਤ ਥਾਵਾਂ 'ਤੇ ਪਹੁੰਚਣ ਲਈ ਮਜਬੂਰ ਹੋ ਗਏ।
ਲਾਨਾ ਪੌਪਹਮ ਨੇ ਕਿਹਾ ਕਿ ਪ੍ਰਭਾਵਿਤ ਇਲਾਕਿਆਂ 'ਚ ਬਚਾਏ ਗਏ ਪਸ਼ੂਆਂ ਨੂੰ ਡਾਕਟਰੀ ਮਦਦ ਪਹੁੰਚਾਉਣ ਦੀਆਂ ਕੋਸ਼ਿਸ਼ਾਂ ਵੀ ਕੀਤੀਆਂ ਜਾ ਰਹੀਆਂ ਹਨ।
ਯਾਦ ਰਹੇ ਅੱਜ ਬੀ.ਸੀ. 'ਚ ਸਟੇਟ ਆਫ ਐਮਰਜੈਂਸੀ ਐਲਾਨ ਦਿੱਤੀ ਗਈ ਹੈ।
ਮਾਈਕ ਫਾਰਨਵਰਥ ਨੇ ਕਿਹਾ ਗੈਰ-ਜਰੂਰੀ ਯਾਤਰਾ ਤੋਂ ਕੀਤਾ ਜਾਵੇ ਬਚਾਅ
ਬੀ.ਸੀ. ਦੇ ਪਬਲਿਕ ਸੇਫਟੀ ਮੰਤਰੀ ਅਤੇ ਸੌਲੀਸਿਟਰ ਜਨਰਲ, ਮਾਈਕ ਫਾਰਨਵਰਥ ਨੇ ਕਿਹਾ ਹੈ ਕਿ ਸੂਬੇ 'ਚ ਸਟੇਟ ਆਫ ਐਮਰਜੈਂਸੀ ਐਲਾਨੇ ਜਾਣ ਤੋਂ ਬਾਅਦ ਸੂਬੇ ਦੀ ਪਹਿਲੀ ਤਰਜੀਹ, ਲੋਕਾਂ ਤਕ ਖਾਣੇ, ਪਾਣੀ ਅਤੇ ਜਰੂਰੀ ਸਮਗਰੀ ਦੀ ਸਪਲਾਈ ਨੂੰ ਜਾਰੀ ਰੱਖਣਾ ਹੈ।
ਉਨ੍ਹਾਂ ਕਿਹਾ ਕਿ ਸੈਂਕੜੇ ਹਜ਼ਾਰਾਂ ਦੀ ਗਿਣਤੀ 'ਚ ਲੋਕ ਹੜ੍ਹਾਂ ਕਾਰਨ ਡਿਸਪਲੇਸ ਹੋ ਗਏ ਹਨ।
ਉਨ੍ਹਾਂ ਕਿਹਾ ਕਿ ਸੂਬੇ 'ਚ ਕਿਸੇ ਵੀ ਪ੍ਰਕਾਰ ਦੀ ਗੈਰ-ਜਰੂਰੀ ਯਾਤਰਾ ਤੋਂ ਫਿਲਹਾਲ ਗੁਰੇਜ ਕੀਤਾ ਜਾਵੇ।
ਹਾਈਵੇਅ 7 'ਤੇ ਆਵਾਜਾਈ ਫਿਰ ਤੋਂ ਹੋਈ ਸ਼ੁਰੂ
ਮੈਟਰੋ ਵੈਨਕੂਵਰ ਦੇ ਇੱਕ ਮੇਜਰ ਰੂਟ ਨੂੰ ਮੁੜ ਤੋਂ ਖੋਲ੍ਹਿਆ ਗਿਆ ਹੈ।
ਮਡਸਲਾਈਡ ਤੋਂ ਬਾਅਦ ਪਏ ਅੜਿੱਕਿਆਂ ਕਾਰਨ ਹਾਈਵੇਅ 7 ਨੂੰ ਬੰਦ ਕੀਤਾ ਗਿਆ ਸੀ।
ਹੁਣ ਇਸ ਰਸਤੇ ਦੇ ਫਿਰ ਸ਼ੁਰੂ ਹੋਣ ਦੀ ਜਾਣਕਾਰੀ ਦਿੱਤੀ ਗਈ ਹੈ।
ਅਗਾਜੀ ਦੇ ਪੱਛਮ ਵਾਲੇ ਪਾਸੇ ਇਸ ਰਸਤੇ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
ਹੁਣ ਲੋਗਹੀਡ ਹਾਈਵੇਅ ਦੇ ਤੌਰ 'ਤੇ ਜਾਣੇ ਜਾਣ ਵਾਲੇ ਇਸ ਰਸਤੇ 'ਤੇ ਟਰੈਫਿਕ ਦੀ ਆਵਾਜਾਈ ਫਿਰ ਸ਼ੁਰੂ ਹੋ ਗਈ ਹੈ।
ਹਾਲਾਂਕਿ ਹਾਲ ਦੀ ਘੜੀ ਸਿੰਗਲ ਲੇਨ ਆਲਟਰਨੇਟਿੰਗ ਟਰੈਫਿਕ ਸ਼ੁਰੂ ਹੋਇਆ ਹੈ।
ਇਹ ਵੀ ਜਾਣਕਾਰੀ ਦਿੱਤੀ ਗਈ ਹੈ ਕਿ ਹਾਲ ਦੀ ਘੜੀ ਇਸ ਰਸਤੇ ਨੂੰ ਸਿਰਫ ਅਸੈਂਸ਼ੀਅਲ ਟਰੈਵਲ ਯਾਨੀ ਕਿ ਜਰੂਰੀ ਯਾਤਰਾ ਲਈ ਖੋਲ੍ਹਿਆ ਗਿਆ ਹੈ।
ਯਾਤਰੀਆਂ ਨੂੰ ਹੁਣ ਵੀ ਹੋਪ ਜਾਣ ਦੀ ਇਜਾਜਤ ਨਹੀਂ ਦਿੱਤੀ ਗਈ ਹੈ।
ਸੂਬੇ ਦੇ ਟਰਾਂਸਪੋਰਟੇਸ਼ਨ ਅਤੇ ਇਨਫਰਾਸਟਰਕਚਰ ਮੰਤਰੀ, ਰੌਬ ਫਲੈਮਿੰਗ ਨੇ ਕਿਹਾ ਕਿ ਇਸ ਰਸਤੇ ਦੀ ਵਰਤੋਂ ਅਜੇ ਸਿਰਫ ਅਰਜੈਂਟ ਲੋੜਾਂ ਵਾਲੇ ਲੋਕ ਹੀ ਕਰ ਸਕਦੇ ਹਨ।
ਉਨ੍ਹਾਂ ਕਿਹਾ ਕਿ ਜਿਹੜੇ ਲੋਕ ਪਸ਼ੂਆਂ ਨੂੰ ਫਾਰਮਸ ਤੋਂ ਕੱਢਣ ਜਾਂ ਸੁਮਾਸ ਪ੍ਰਾਇਰੀ ਇਲਾਕੇ ਜਾਂ ਬੈਰੋਟਾਊਨ ਪੰਪ ਸਟੇਸ਼ਨ ਵਿੱਚ ਵਧੇਰੇ ਪੰਪ ਇਕਵਿਪਮੈਂਟ ਮੂਵ ਕਰਨਾ ਚਾਹੁੰਦੇ ਹਨ, ਉਹ ਹਾਲ ਦੀ ਘੜੀ ਇਸ ਰਸਤੇ ਦੀ ਵਰਤੋਂ ਕਰ ਸਕਦੇ ਹਨ।
