ਟਰਾਂਸਜੈਂਡਰ ਐਲਬਰਟਨ ਨੂੰ ਪ੍ਰਭਾਵਿਤ ਕਰਨ ਵਾਲੇ ਤਿੰਨ ਬਿੱਲਾਂ ’ਤੇ ਬਹਿਸ ਪਾਸ, ਕਾਨੂੰਨ ਬਣਨ ਲਈ ਤਿਆਰ

ਐਲਬਰਟਾ ਦੀ ਵਿਧਾਨਸਭਾ ਵਿਚ ਟਰਾਂਸਜੈਂਡਰਜ਼ ਨੂੰ ਪ੍ਰਭਾਵਿਤ ਕਰਨ ਵਾਲੇ 3 ਬਿੱਲਾਂ ਨੂੰ ਡਿਬੇਟ ਵਿਚ ਪਾਸ ਕਰ ਦਿੱਤਾ ਗਿਆ ਅਤੇ ਇਹ ਕਾਨੂੰਨ ਬਣਨ ਲਈ ਤਿਆਰ ਹਨ। LGBTQ+ ਨਾਲ ਜੁੜੇ ਗਰੁੱਪਸ ਨੇ ਪਹਿਲਾਂ ਹੀ ਸਰਕਾਰ ਨੂੰ ਇਸ ਖਿਲਾਫ ਅਦਾਲਤ ਵਿਚ ਲੈ ਜਾਣ ਦਾ ਫੈਸਲਾ ਲਿਆ ਹੈ।

ਸੂਬੇ ਦੀ ਪ੍ਰੀਮੀਅਰ ਡੈਨੀਅਲ ਸਮਿਥ ਦਾ ਕਹਿਣਾ ਹੈ ਕਿ ਇਹ ਬਿੱਲ ਬੱਚਿਆਂ ਅਤੇ ਮਹਿਲਾ ਐਥਲੀਟ ਦੀ ਸੁਰੱਖਿਆ ਲਈ ਬਹੁਤ ਜ਼ਰੂਰੀ ਹਨ ਪਰ ਵਿਰੋਧੀ ਧਿਰ ਐੱਨ.ਡੀ.ਪੀ. ਦਾ ਕਹਿਣਾ ਹੈ ਕਿ ਉਹ ਕਮਜ਼ੋਰ ਲੋਕਾਂ ਲਈ ਚਿੰਤਤ ਹਨ। ਇਕ ਬਿੱਲ ਮੁਤਾਬਕ 16 ਸਾਲ ਤੋਂ ਘੱਟ ਉਮਰ ਵਾਲਿਆਂ ਨੂੰ ਸਕੂਲ ਵਿਚ ਆਪਣਾ ਨਾਂ ਜਾਂ ਪੜਨਾਵ ਬਦਲਣ ਲਈ ਮਾਪਿਆਂ ਨੂੰ ਦੱਸਣਾ ਪਵੇਗਾ।

ਦੂਜਾ, ਡਾਕਟਰਾਂ ਨੂੰ 16 ਸਾਲ ਤੋਂ ਘੱਟ ਉਮਰ ਵਾਲਿਆਂ ਨੂੰ ਲਿੰਗ ਬਦਲਣ ਜਾਂ ਹਾਰਮੋਨ ਥੈਰੇਪੀ ਵਰਗੇ ਟਰਾਂਸਜੈਂਡਰ ਇਲਾਜ ਦੇਣ ਤੋਂ ਰੋਕਣ ਵਾਲਾ ਹੈ। ਤੀਜਾ ਬਿੱਲ ਟਰਾਂਸਜੈਂਡਰ ਐਥਲੀਟ ਨੂੰ ਔਰਤਾਂ ਨਾਲ ਖੇਡਾਂ ਵਿਚ ਹਿੱਸਾ ਲੈਣ ਤੋਂ ਰੋਕੇਗਾ। ਸੂਬਾ ਸਰਕਾਰ ਚਾਹੁੰਦੀ ਹੈ ਕਿ ਯੂਥ ਘੱਟ ਉਮਰ ਵਿਚ ਆਪਣੀ ਜ਼ਿੰਦਗੀ ਦਾ ਇੰਨਾ ਮਹੱਤਵਪੂਰਣ ਫੈਸਲਾ ਨਾ ਲਵੇ।