18.92C Vancouver 18.92C VancouverJul 9, 2024 4:33 PM - The Canadian Press
ਸਕੁਐਮਿਸ਼ ਪੀਕ ਤੋਂ ਲਾਪਤਾ ਹੋਏ 3 ਪਰਬਤਾਰੋਹੀਆਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਗਈਆਂ ਹਨ। ਸੀਟੂ ਸਕਾਈ ਆਰ.ਸੀ.ਐੱਮ.ਪੀ. ਨੇ ਕੱਲ੍ਹ ਇਸ ਦੀ ਪੁਸ਼ਟੀ ਕਰਦੇ ਦੱਸਿਆ ਕਿ ਗੈਰੀਬਾਲਡੀ ਪ੍ਰੋਵਿੰਸ਼ੀਅਲ ਪਾਰਕ ਤੋਂ 3 ਪਰਬਤਾਰੋਹੀਆਂ ਦੀਆਂ ਲਾਸ਼ਾਂ ਮਿਲ ਗਈਆਂ ਹਨ ਜੋ ਲਗਭਗ ਇਕ ਮਹੀਨਾ ਪਹਿਲਾਂ ਇਸ ਇਸੇ ਇਲਾਕੇ ਵਿਚ ਲਾਪਤਾ ਹੋ ਗਏ ਸਨ।
ਪੁਲਿਸ ਦਾ ਕਹਿਣਾ ਸੀ ਕਿ ਲਾਸ਼ਾਂ ਐਟਵੈਲ ਪੀਕ ਦੇ ਖੇਤਰ ਤੋਂ ਬਰਾਮਦ ਕੀਤੀਆਂ ਗਈਆਂ ਹਨ। ਇਹ ਉਹੀ ਚੋਟੀ ਹੈ ਜਿੱਥੇ ਸਕੁਐਮਿਸ਼ ਸਰਚ ਵਲੋਂ ਉਨ੍ਹਾਂ ਪਰਬਤਾਰੋਹੀਆਂ ਦੀ ਤਲਾਸ਼ ਕੀਤੀ ਜਾ ਰਹੀ ਸੀ ਜਿਨ੍ਹਾਂ ਦੇ ਸ਼ੁੱਕਰਵਾਰ, 31 ਮਈ ਨੂੰ ਵਾਪਸ ਪਰਤਣ ਦੀ ਉਮੀਦ ਸੀ। ਆਰ.ਸੀ.ਐੱਮ.ਪੀ. ਵਲੋਂ ਪੀੜਿਤਾਂ ਦੀ ਪਛਾਣ ਦੀ ਪੁਸ਼ਟੀ ਅਜੇ ਨਹੀਂ ਕੀਤੀ ਗਈ ਹੈ।
ਸਕੁਐਮਿਸ਼ ਖੋਜ ਅਤੇ ਬਚਾਅ ਦੇ ਮੈਨੇਜਰ ਬੀ.ਜੇ. ਚੂਟੇ ਨੇ ਦੱਸਿਆ ਕਿ ਸਕੁਐਮਿਸ਼ ਖੋਜ ਅਤੇ ਬਚਾਅ ਦੇ ਮੈਂਬਰਾਂ ਨੇ ਅੱਜ ਸਵੇਰੇ ਆਰ.ਸੀ.ਐੱਮ.ਪੀ. ਦੀ ਮਦਦ ਨਾਲ ਇਨ੍ਹਾਂ ਲਾਸ਼ਾਂ ਨੂੰ ਐਟਵੈਲ ਪੀਕ ਇਲਾਕੇ ਵਿਚ ਬਰਾਮਦ ਕੀਤਾ ਹੈ ਅਤੇ ਹੁਣ ਇਹ ਮਾਮਲਾ ਆਰ.ਸੀ.ਐੱਮ.ਪੀ. ਅਤੇ ਕੋਰੋਨਰ ਸਰਵਿਸ ਨੂੰ ਸੌਂਪ ਦਿੱਤਾ ਗਿਆ ਹੈ। ਪੁਲਿਸ ਅਨੁਸਾਰ ਇਹ ਫਾਇਲ ਹੁਣ ਬੀ.ਸੀ. ਕੋਰੋਨਰ ਸਰਵਿਸ ਕੋਲ ਹੋਣ ਕਾਰਨ ਇਸ ਮਾਮਲੇ ਵਿਚ ਹੋਰ ਜਾਣਕਾਰੀ ਸਾਂਝੀ ਨਹੀਂ ਕੀਤੀ ਜਾ ਸਕਦੀ।
