27.55C Vancouver 27.55C VancouverOct 22, 2022 12:41 AM - Connect News
ਵੈਨਕੂਵਰ ਦੇ ਯੂ.ਬੀ.ਸੀ. ਦੇ ਨੇੜ ਗੌਲਫ ਕਲੱਬ ਵਿੱਚ ਸੋਮਵਾਰ ਸਵੇਰ ਦੇ ਸਮੇਂ ਵਾਪਰੀ ਗੋਲੀ ਚੱਲਣ ਦੀ ਜਾਨਲੇਵਾ ਵਾਰਦਾਤ 'ਚ 3 ਲੋਕਾਂ 'ਤੇ ਦੋਸ਼ ਲੱਗੇ ਹਨ।
ਔਨਲਾਈਨ ਕੋਰਟ ਰਿਕਾਰਡਸ ਦਰਸ਼ਾਉਂਦੇ ਹਨ ਕਿ ਮਾਮਲੇ 'ਚ ਇਕਬਾਲ ਸਿੰਘ ਕੰਗ ਨਾਮ ਦੇ ਵਿਅਕਤੀ 'ਤੇ ਕਤਲ ਦੇ ਦੋਸ਼ ਲੱਗੇ ਹਨ।
ਇਸ ਘਟਨਾ 'ਚ 38 ਸਾਲਾ ਵਿਸ਼ਾਲ ਵਾਲੀਆ ਦੀ ਮੌਤ ਹੋ ਗਈ ਸੀ।
ਪੀੜਤ ਵਿਅਕਤੀ ਦੀ ਪਛਾਣ ਸਾਂਝੀ ਕਰਨ ਮੌਕੇ ਇਸ ਵਾਰਦਾਤ ਨੂੰ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਸੰਬੰਧਤ ਦੱਸਿਆ ਗਿਆ ਸੀ।
ਇਸ ਵਾਰਦਾਤ ਦੇ ਸੰਬੰਧ 'ਚ ਇਕਬਾਲ ਸਿੰਘ ਕੰਗ 'ਤੇ ਕਤਲ ਦੇ ਦੋਸ਼ ਤੋਂ ਇਲਾਵਾ ਆਰਸਨ ਡੈਮੇਜਿੰਗ ਪ੍ਰਾਪਰਟੀ, ਕੰਵੇਐਂਸ ਦੇ ਖਤਰਨਾਕ ਆਪ੍ਰੇਸ਼ਨ, ਪੁਲਿਸ ਤੋਂ ਭੱਜਣ ਅਤੇ ਚੋਰੀ ਦੀ ਪ੍ਰਾਪਰਟੀ ਰੱਖਣ ਦੇ ਦੋਸ਼ ਵੀ ਲੱਗੇ ਹਨ।
ਇਸੇ ਮਾਮਲੇ 'ਚ ਬਲਰਾਜ ਸਿੰਘ ਬਸਰਾ ਅਤੇ ਡੀਐਂਡਰਾ ਡਾਇਓਨ ਸਿਲਵਨ ਬੈਪਟਿਸਟ 'ਤੇ ਦੋਸ਼ ਲੱਗੇ ਹਨ।
ਇਨ੍ਹਾਂ ਦੋਵਾਂ ਲੋਕਾਂ 'ਤੇ ਆਰਸਨ ਡੈਮੇਜਿੰਗ ਪ੍ਰਾਪਰਟੀ ਅਤੇ ਚੋਰੀ ਦੀ ਪ੍ਰਾਪਰਟੀ ਰੱਖਣ ਦੇ ਦੋਸ਼ ਲੱਗੇ ਹਨ।
ਘਟਨਾ ਤੋਂ ਬਾਅਦ ਵੈਸਟ 20 ਐਵੀਨਿਊ ਦੇ 4000 ਬਲੌਕ 'ਚ ਇੱਕ ਗੱਡੀ ਨੂੰ ਅੱਗ ਲੱਗੀ ਵੀ ਰਿਪੋਰਟ ਕੀਤੀ ਗਈ ਸੀ।
ਤਿੰਨੇ ਲੋਕਾਂ ਨੂੰ ਅੱਜ ਸਵੇਰ ਦੇ ਸਮੇਂ ਰਿਚਮੰਡ 'ਚ ਪ੍ਰੋਵਿੰਸ਼ੀਅਲ ਕੋਰਟ 'ਚ ਪੇਸ਼ ਕੀਤਾ ਗਿਆ ਸੀ।
