15.62C Vancouver 15.62C VancouverJul 6, 2022 7:16 PM - The Canadian Press
ਬੀ.ਸੀ. 'ਚ ਇੱਕ ਦਰਦਨਾਕ ਕਰੈਸ਼ 'ਚ 3 ਲੋਕਾਂ ਦੀ ਮੌਤ ਹੋ ਗਈ ਹੈ।
ਘਟਨਾ ਸੋਰੈਂਟੋ ਦੇ ਕੋਲ ਸ਼ੁਸ਼ਵੱਪ ਇਲਾਕੇ 'ਚ ਹਾਈਵੇਅ 1 'ਤੇ ਵਾਪਰੀ ਦੱਸੀ ਗਈ ਹੈ।
ਆਰ.ਸੀ.ਐਮ.ਪੀ. ਨੇ ਜਾਣਕਾਰੀ ਦਿੱਤੀ ਕਿ ਮੌਕੇ 'ਤੇ ਮੌਜੂਦ ਲੋਕਾਂ ਅਨੁਸਾਰ ਇੱਕ ਗੱਡੀ ਮੱਧ ਰੇਖਾ ਪਾਰ ਕਰ ਸਾਹਮਣੇ ਤੋਂ ਆਉਂਦੇ ਟਰੈਫਿਕ 'ਚ ਦਾਖਿਲ ਹੋ ਗਈ।
ਇਸੇ ਦੌਰਾਨ ਗੱਡੀ ਦੀ ਇੱਕ ਐਸ.ਯੂ.ਵੀ. ਨਾਲ ਟੱਕਰ ਹੋ ਗਈ।
ਪੁਲਿਸ ਨੇ ਦੱਸਿਆ ਕਿ ਮੌਕੇ 'ਤੇ ਪਹੁੰਚਣ ਤਕ ਦੋਵਾਂ ਵਾਹਨਾਂ 'ਚ ਸਵਾਰ ਲੋਕਾਂ ਦੀ ਮੌਤ ਹੋ ਚੁੱਕੀ ਸੀ।
ਪੀੜਤਾਂ ਦੇ ਵਿੱਚ ਬਲਾਈਂਡ ਬੇਅ ਤੋਂ ਇੱਕ 60 ਸਾਲਾ ਆਦਮੀ ਅਤੇ ਇੱਕ 67 ਸਾਲਾ ਔਰਤ ਸ਼ਾਮਿਲ ਦੱਸੇ ਗਏ।
ਇਸ ਤੋਂ ਇਲਾਵਾ ਸੋਰੈਂਟੋ ਦੇ ਇੱਕ 51 ਸਾਲਾ ਆਦਮੀ ਦੀ ਵੀ ਘਟਨਾ 'ਚ ਜਾਨ ਜਾਂਦੀ ਰਹੀ।
ਘਟਨਾ ਤੋਂ ਬਾਅਦ ਹਾਈਵੇਅ ਨੂੰ ਕਈ ਘੰਟੇ ਤਕ ਬੰਦ ਰੱਖਿਆ ਗਿਆ ਸੀ।
ਬੀ.ਸੀ. ਕੋਰੋਨਰਸ ਆਫਿਸ ਵੱਲੋਂ ਵੀ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
