10.99C Vancouver 10.99C VancouverOct 25, 2022 9:24 PM - The Canadian Press
ਫੈਡਰਲ ਸਰਕਾਰ ਨੇ ਬੀ.ਸੀ. ਸੁਪ੍ਰੀਮ ਕੋਰਟ 'ਚ 3 ਨਵੇਂ ਜੱਜਾਂ ਦੀ ਨਿਯੁਕਤੀ ਕੀਤੀ ਹੈ।
ਇਸ ਤੋਂ ਇਲਾਵਾ ਇੱਕ ਹੋਰ ਜੱਜ ਨੂੰ ਬੀ.ਸੀ. ਕੋਰਟ ਆਫ ਅਪੀਲ 'ਚ ਨਿਯੁਕਤ ਕੀਤਾ ਗਿਆ ਹੈ।
ਡਿਪਾਰਟਮੈਂਟ ਆਫ ਜਸਟਿਸ ਦੇ ਬਿਆਨ ਅਨੁਸਾਰ ਜਸਟਿਸ ਰੌਨਲਡ ਸਕੋਲਰੂਡ ਨੇ ਸਾਲ 2013 ਤੋਂ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਸੇਵਾਵਾਂ ਨਿਭਾਈਆਂ ਸਨ ਅਤੇ ਹੁਣ ਉਨ੍ਹਾਂ ਨੂੰ ਸੂਬੇ ਦੇ ਸਭ ਤੋਂ ਉੱਚੇ ਕੋਰਟ 'ਚ ਨਿਯੁਕਤ ਕੀਤਾ ਜਾ ਰਿਹਾ ਹੈ।
ਉਹ ਬੀ.ਸੀ. ਕੋਰਟ ਆਫ ਅਪੀਲ 'ਚ ਜਸਟਿਸ ਜੀ. ਬਰੂਸ ਬਟਲਰ ਨੂੰ ਰਿਪਲੇਸ ਕਰਨਗੇ।
ਇਸ ਤੋਂ ਇਲਾਵਾ ਜਿਹੜੇ 3 ਨਵੇਂ ਜੱਜ ਨਿਯੁਕਤ ਕੀਤੇ ਗਏ ਹਨ, ਉਨ੍ਹਾਂ 'ਚ ਅਨੀਤਾ ਚੈਨ, ਜੋਸਫ ਡੌਇਲ ਅਤੇ ਕੈਵਿਨ ਲੂ ਸ਼ਾਮਿਲ ਹਨ। ਅਨੀਤਾ ਚੈਨ ਇੱਕ ਕਰਾਊਨ ਪ੍ਰਸਿਕਿਊਟਰ ਰਹੇ ਹਨ ਅਤੇ ਉਨ੍ਹਾਂ ਦਾ 27 ਸਾਲ ਦਾ ਤਜਰਬਾ ਹੈ।
ਜੋਸਫ ਡੌਇਲ ਦਾ ਸਿਵਿਲ, ਕ੍ਰਿਮੀਨਲ ਅਤੇ ਪ੍ਰਸ਼ਾਸਨਿਕ ਲਾਅ 'ਚ ਬਤੌਰ ਵਕੀਲ ਲੰਮਾ ਤਜਰਬਾ ਰਿਹਾ ਹੈ।
ਇਹ ਤਿੰਨੇ ਨਵੇਂ ਜੱਜ ਵੈਨਕੂਵਰ ਦੇ ਬੀ.ਸੀ. ਸੁਪ੍ਰੀਮ ਕੋਰਟ 'ਚ ਸੇਵਾਵਾਂ ਨਿਭਾਉਣਗੇ।
