9.98C Vancouver 9.98C VancouverOct 18, 2024 3:56 PM - The Canadian Press
ਸਰੀ ਵਿਚ ਜੁਲਾਈ ਮਹੀਨੇ ਜਨਤਕ ਟਰਾਂਸਪੋਰਟ ’ਤੇ ਦੋ ਲੜਕੀਆਂ ’ਤੇ ਹਮਲਾ ਕਰਨ ਵਾਲੀਆਂ ਤਿੰਨ ਟੀਨਏਜਰ ਲੜਕੀਆਂ ਨੂੰ ਚਾਰਜ ਕੀਤਾ ਗਿਆ ਹੈ। ਇਨ੍ਹਾਂ ਵਿਚੋਂ 2 ਸਰੀ ਅਤੇ ਇਕ ਐਬਟਸਫੋਰਡ ਦੀ ਰਹਿਣ ਵਾਲੀ ਹੈ। ਪੁਲਿਸ ਮੁਤਾਬਕ 11 ਜੁਲਾਈ, 2024 ਨੂੰ ਉਨ੍ਹਾਂ ਨੇ ਇਕ 16 ਸਾਲਾ ਵਿਦਿਆਰਥਣ ਨੂੰ ਟਾਰਗਟ ਕੀਤਾ।
ਉਨ੍ਹਾਂ ਨੇ ਸਟੇਸ਼ਨ ’ਤੇ ਖੜ੍ਹੀ ਵਿਦਿਆਰਥਣ ਨੂੰ ਟਰੇਨ ਦਾ ਦਰਵਾਜ਼ਾ ਖੋਲ੍ਹਣ ਤੋਂ ਰੋਕਿਆ। ਇਸ ਦੇ ਬਾਅਦ ਉਸ ਨੂੰ ਵਾਲਾਂ ਤੋਂ ਖਿੱਚਿਆ ਅਤੇ ਉਸ ਦੇ ਮੁੱਕੇ ਮਾਰੇ। ਸਰੀ ਸੈਂਟਰਲ ਸਟੇਸ਼ਨ ’ਤੇ ਮੌਜੂਦ ਹੋਰ ਲੋਕਾਂ ਨੇ ਲੜਕੀ ਦੀ ਮਦਦ ਕੀਤੀ ਅਤੇ ਉਸ ਨੂੰ ਬਚਾਇਆ। ਉਸ ਨੂੰ ਕਾਫੀ ਸੱਟਾਂ ਲਗੀਆਂ ਤੇ ਸਰੀ ਮੈਮੋਰੀਅਲ ਹਸਪਤਾਲ ਵਿਚ ਲੈ ਜਾਇਆ ਗਿਆ।
ਇਸੇ ਰਾਤ ਉਨ੍ਹਾਂ ਨੇ 160 ਸਟ੍ਰੀਟ ਅਤੇ 100 ਐਵੇਨਿਊ ਵਿਚਕਾਰਲੇ ਟਰਾਂਜ਼ਿਟ ਬੱਸ ਏਰੀਏ ਵਿਚ ਇਕ 18 ਸਾਲਾ ਔਰਤ ਨੂੰ ਗਾਲ੍ਹਾਂ ਕੱਢੀਆਂ। ਉਨ੍ਹਾਂ ਉਸ ਦੇ ਵਾਲ ਖਿੱਚੇ ਅਤੇ ਉਸ ਨਾਲ ਕੁੱਟ-ਮਾਰ ਕੀਤੀ। ਇੱਥੇ ਮੌਜੂਦ ਲੋਕਾਂ ਨੇ ਪੁਲਿਸ ਨੂੰ ਬੁਲਾਇਆ ਅਤੇ ਤਿੰਨਾਂ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ। ਨੌਜਵਾਨ ਕ੍ਰਿਮੀਨਲ ਜਸਟਿਸ ਐਕਟ ਕਾਰਨ ਤਿੰਨਾਂ ਦੇ ਨਾਮ ਸਾਂਝੇ ਨਹੀਂ ਕੀਤੇ ਗਏ। ਦੋ ਲੜਕੀਆਂ ’ਤੇ ਹਮਲੇ ਸਬੰਧੀ ਹੋਰ ਚਾਰਜਿਜ਼ ਵੀ ਲਗਾਏ ਗਏ ਹਨ।
