16.26C Vancouver 16.26C VancouverAug 14, 2024 8:24 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਵਿਚ ਗਰਜਾਂ ਨਾਲ ਅੱਗ ਵਾਲੇ ਖੇਤਰਾਂ ਵਿਚ ਨਮੀ ਆਉਣ ਦੀ ਉਮੀਦ ਹੈ। ਬੀ.ਸੀ. ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਗਰਜ ਨਾਲ ਬਾਰਿਸ਼ ਨਾਲ ਸੂਬੇ ਦੇ ਉਨ੍ਹਾਂ ਇਲਾਕਿਆਂ ਵਿਚ ਕੁਝ ਨਮੀ ਆਉਣ ਦੀ ਉਮੀਦ ਹੈ ਜਿੱਥੇ ਸੈਂਕੜੇ ਅੱਗਾਂ ਬਲ਼ ਰਹੀਆਂ ਹਨ, ਜਿਸ ਵਿਚ ਕੁਟੇਨੇਜ਼ ਦੀ ਵਿਨਾਸ਼ਕਾਰੀ ਅੱਗ ਵੀ ਸ਼ਾਮਲ ਹੈ।
ਸਰਵਿਸ ਨੇ ਇਕ ਅਪਡੇਟ ਵਿਚ ਕਿਹਾ ਕਿ ਉੱਤਰ-ਪੂਰਬ ਵਿਚ ਰੌਕੀ ਮਾਉਂਟੇਨ ਟਰੈਂਚ ਦੇ ਨਾਲ-ਨਾਲ ਦੱਖਣ-ਪੂਰਬੀ ਫਾਇਰ ਸੈਂਟਰ ਵਿਚ ਵੀ ਨਮੀ ਆਉਣ ਦੀ ਸੰਭਾਵਨਾ ਹੈ। ਜ਼ਿਕਰਯੋਗ ਹੈ ਕਿ ਬੁੱਧਵਾਰ ਤਕ 23 ਵਿਚ 415 ਅੱਗਾਂ ਬਲ਼ ਰਹੀਆਂ ਸਨ ਜਿਨ੍ਹਾਂ ਵਿਚੋਂ 163 ਕਾਬੂ ਤੋਂ ਬਾਹਰ ਹਨ ਅਤੇ ਚਾਰ ਨੂੰ ਵਾਈਲਡਫਾਇਰ ਆਫ਼ ਨੋਟ ਵਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ। ਇਸ ਦਾ ਮਤਲਬ ਹੈ ਕਿ ਇਹ ਅੱਗਾਂ ਬਹੁਤ ਜ਼ਿਆਦਾ ਦਿਖਾਈ ਦਿੰਦੀਆਂ ਹਨ ਜਾਂ ਲੋਕਾਂ ਜਾਂ ਜਾਇਦਾਦ ਲਈ ਖਤਰਾ ਪੈਦਾ ਕਰਦੀਆਂ ਹਨ।
ਦੱਖਣ-ਪੂਰਬੀ ਫਾਇਰ ਸੈਂਟਰ ਵਿਚ ਲਗਭਗ 110 ਅੱਗਾਂ ਬਲ਼ ਰਹੀਆਂ ਹਨ, ਜਿਸ ਵਿਚ ਕੁਟੇਨੇਜ਼ ਕ੍ਰੀਕ ਦੀ ਅੱਗ ਵੀ ਸ਼ਾਮਲ ਹੈ। ਕੇਂਦਰੀ ਕੂਟੇਨੇ ਦੇ ਖੇਤਰੀ ਜ਼ਿਲ੍ਹੇ ਅਨੁਸਾਰ ਇਸ ਅੱਗ ਨਾਲ ਹਾਈਵੇਅ 6 ਦੇ ਨਾਲ ਲੱਗਦੇ ਘੱਟੋ ਘੱਟ ਪੰਜ ਘਰ ਅਤੇ 15 ਹੋਰ ਢਾਂਚੇ ਤਬਾਹ ਹੋ ਗਏ ਹਨ।
ਬੀਸੀ ਦੇ ਉੱਤਰ-ਪੂਰਬ ’ਚ ਸਥਿਤ ਪ੍ਰਿੰਸ ਜਾਰਜ ਫਾਇਰ ਸੈਂਟਰ ’ਚ ਕਰੀਬ 170 ਅੱਗਾਂ ਬਲ਼ ਰਹੀਆਂ ਹਨ। ਵਾਈਲਡਫਾਇਰ ਸਰਵਿਸ ਦਾ ਕਹਿਣਾ ਹੈ ਕਿ ਪਿਛਲੇ 7 ਦਿਨ੍ਹਾਂ ਵਿਚ ਸੂਬੇ ਵਿਚ 170 ਨਵੀਆਂ ਅੱਗਾਂ ਸ਼ੁਰੂ ਹੋਈਆਂ ਹਨ ਜਿਨ੍ਹਾਂ ਵਿਚੋਂ 82 ਫੀਸਦੀ ਬਿਜਲੀ ਡਿੱਗਣ ਕਾਰਨ ਸ਼ੁਰੂ ਹੋਈਆਂ ਹਨ।
