20.97C Vancouver 20.97C VancouverNov 1, 2021 8:38 PM - The Canadian Press
ਬੀ.ਸੀ. ਕੋਰੋਨਰਸ ਸਰਵਿਸ ਦਾ ਕਹਿਣਾ ਹੈ ਕਿ ਹੀਟ ਵੇਵ ਦੌਰਾਨ ਸੂਬੇ 'ਚ 595 ਲੋਕਾਂ ਨੇ ਜਾਨ ਗਵਾ ਦਿੱਤੀ।
ਇਸ ਤੋਂ ਪਹਿਲਾਂ ਕਰੀਬ 3 ਮਹੀਨੇ ਪਹਿਲਾਂ ਸਾਂਝੇ ਕੀਤੇ ਗਏ ਅੰਕੜੇ ਦੌਰਾਨ ਹੀਟ ਵੇਵ ਸੰਬੰਧੀ ਹੋਈਆਂ ਮੌਤਾਂ ਦੀ ਗਿਣਤੀ 569 ਦੱਸੀ ਗਈ ਸੀ।
ਹਾਲਾਂਕਿ ਉਸੇ ਸਮੇਂ ਦੱਸਿਆ ਗਿਆ ਸੀ ਕਿ ਇਹ ਸ਼ੁਰੂਆਤੀ ਅੰਕੜਾ ਹੈ ਅਤੇ ਇਸ 'ਚ ਤਬਦੀਲੀ ਹੋ ਸਕਦੀ ਹੈ।
ਸੋਮਵਾਰ ਨੂੰ ਸਰਵਿਸ ਨੇ ਐਲਾਨ ਕੀਤਾ ਕਿ ਹੀਟ ਵੇਵ ਨਾਲ ਸੰਬੰਧਤ 595 ਲੋਕਾਂ ਦੀ ਮੌਤ ਹੋਈ ਸੀ।
ਕੋਰੋਨਰ ਅਤੇ ਪਬਲਿਕ ਸੇਫਟੀ ਮੰਤਰਾਲੇ ਦਾ ਕਹਿਣਾ ਹੈ ਕਿ ਸਾਰੀਆਂ ਮੌਤਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਹਰ ਮੌਤ ਸੰਬੰਧੀ ਜਾਂਚ 2022 ਦੇ ਸ਼ੁਰੂਆਤੀ ਮਹੀਨਿਆਂ ਤਕ ਪੂਰੀ ਕਰ ਲਈ ਜਾਵੇਗੀ।
ਚੀਫ਼ ਕੋਰੋਨਰ ਲੀਜ਼ਾ ਲਾਪੌਂਟ ਦਾ ਕਹਿਣਾ ਹੈ ਕਿ ਹਰ ਮੌਤ ਨਾਲ ਸੰਬੰਧਤ ਫੈਕਟਰਸ ਦਾ ਪਤਾ ਕਰਨ ਨਾਲ ਇਸ ਕਿਸਮ ਦੀਆਂ ਮੌਤਾਂ ਤੋਂ ਆਉਂਦੇ ਸਮੇਂ 'ਚ ਬਚਾਅ ਕੀਤਾ ਜਾ ਸਕੇਗਾ।
ਇਸ 'ਚ 526 ਮੌਤਾਂ 25 ਜੂਨ ਤੋਂ 1 ਜੁਲਾਈ ਵਿਚਾਲੇ ਵਾਪਰੀਆਂ ਦੱਸੀਆਂ ਗਈਆਂ ਹਨ।
28 ਜੂਨ ਨੂੰ 131 ਮੌਤਾਂ ਰਿਪੋਰਟ ਹੋਈਆਂ ਸਨ। 29 ਜੂਨ ਨੂੰ ਹੀਟ ਵੇਵ ਸੰਬੰਧਤ ਮੌਤਾਂ ਦੀ ਗਿਣਤੀ 231 ਦੱਸੀ ਗਈ ਸੀ।
ਯਾਦ ਰਹੇ 29 ਜੂਨ ਨੂੰ ਲਿਟਨ ਦੇ ਇਲਾਕੇ 'ਚ ਗਰਮੀ ਦਾ ਤਾਪਮਾਨ 49.6 ਡਿਗਰੀ 'ਤੇ ਦਰਜ ਕੀਤਾ ਗਿਆ ਸੀ।
