ਕੈਨੇਡਾ, ਅਮਰੀਕਾ ਅਤੇ ਮੈਕਸੀਕੋ ਵਿਚ ਅੱਜ ਕਈ ਥਾਈਂ ਲੱਗ ਰਿਹੈ ਸੂਰਜ ਗ੍ਰਹਿਣ

ਕੈਨੇਡਾ, ਅਮਰੀਕਾ ਅਤੇ ਮੈਕਸੀਕੋ ਵਿਚ ਅੱਜ ਕਈ ਥਾਈਂ ਪੂਰਾ ਸੂਰਜ ਗ੍ਰਹਿਣ ਲੱਗ ਰਿਹਾ ਹੈ। ਕੈਨੇਡਾ ਵਿਚ ਇਹ ਮੁੱਖ ਤੌਰ ’ਤੇ ਓਨਟਾਰੀਓ, ਕਿਊਬਿਕ, ਨਿਊ ਬਰੰਜ਼ਵਿਕ, ਪਿ੍ਰੰਸ ਐਡਵਰਡ ਆਈਲੈਂਡ, ਨਵੋਾ ਸਕੋਸ਼ੀਆ ਅਤੇ ਨਿਊਫਾਊਂਡਲੈਂਡ ਅਤੇ ਲੈਬਰਾਡੋਰ ਦੇ ਹਿੱਸਿਆਂ ਵਿਚ ਹੋ ਰਿਹਾ ਹੈ। ਇਹ ਖਗੋਲੀ ਘਟਨਾ ਅਗਲੇ 20 ਸਾਲਾਂ ਤੱਕ ਕੈਨੇਡਾ ਵਿਚ ਦੁਬਾਰਾ ਨਹੀਂ ਹੋਵੇਗੀ।

ਕੈਨੇਡੀਅਨ ਸਪੇਸ ਏਜੰਸੀ ਨੇ ਚਿਤਾਵਨੀ ਦਿੱਤੀ ਹੈ ਕਿ ਪੂਰੇ ਸੂਰਜ ਗ੍ਰਹਿਣ ਦੌਰਾਨ ਸੂਰਜ ਵੱਲ ਸਿੱਧਾ ਦੇਖਣਾ ਅੱਖਾਂ ਦੀ ਰੌਸ਼ਨੀ ਲਈ ਗੰਭੀਰ ਹੋ ਸਕਦਾ ਹੈ। ਇਹ ਸਦੀ ਦਾ ਹਾਲਾਂਕਿ, ਸਭ ਤੋਂ ਲੰਮਾ ਸੂਰਜ ਗ੍ਰਹਿਣ ਹੋਵੇਗਾ ਪਰ ਨਿਆਗਰਾ ਫਾਲਸ, ਕਿੰਗਸਟਨ, ਮਾਂਟਰੀਅਲ ਅਤੇ ਨਿਊ ਬਰੰਜ਼ਵਿਕ ਦਾ ਸ਼ਹਿਰ ਫਰੈਡਰਿਕਟਨ ਪੂਰਣ ਸੂਰਜ ਗ੍ਰਹਿਣ ਦੀ ਗਵਾਹੀ ਭਰਨ ਵਾਲੇ ਹਨ, ਜਿੱਥੇ ਦੁਪਹਿਰ ਸਮੇਂ ਲਗਭਗ ਸਾਢੇ ਤਿੰਨ ਮਿੰਟ ਤੱਕ ਹਨ੍ਹੇਰਾ ਹੋਵੇਗਾ। ਪੱਛਮੀ ਕੈਨੇਡਾ ਵਿਚ ਅੰਸ਼ਿਕ ਗ੍ਰਹਿਣ ਦਿਖਾਈ ਦੇਵੇਗਾ।

ਗੌਰਤਲਬ ਹੈ ਕਿ ਕੈਨੇਡਾ ਨੇ ਆਖਰੀ ਵਾਰ 10 ਜੂਨ, 2021 ਨੂੰ ਅੰਸ਼ਕ ਸੂਰਜ ਗ੍ਰਹਿਣ ਦੇਖਿਆ ਸੀ, ਉਸ ਦੌਰਾਨ ਸੂਰਜ ਦੇ ਲਗਭਗ 80 ਫੀਸਦੀ ਹਿੱਸੇ ਨੂੰ ਗ੍ਰਹਿਣ ਲੱਗਾ ਸੀ। ਕੈਨੇਡਾ ਵਿਚ ਦਿਖਾਈ ਦੇਣ ਵਾਲਾ ਅਗਲਾ ਪੂਰਣ ਗ੍ਰਹਿਣ 23 ਅਗਸਤ, 2044 ਨੂੰ ਹੋਵੇਗਾ।