16.6C Vancouver 16.6C VancouverAug 19, 2021 10:17 PM -
ਨੌਰਥ ਵੈਨਕੂਵਰ ਦੇ ਇੱਕ ਆਦਮੀ 'ਤੇ ਮਲਟੀਪਲ ਅਪਰਾਧਿਕ ਦੋਸ਼ ਲੱਗੇ ਹਨ।
ਇੱਕ ਟਰੈਫਿਕ ਸਟੌਪ ਦੌਰਾਨ ਡਰੱਗਸ ਅਤੇ ਭਰੀ ਬੰਦੂਕ ਬਰਾਮਦ ਹੋਣ 'ਤੇ ਦੋਸ਼ ਲਗਾਏ ਗਏ ਹਨ।
ਮਾਮਲਾ 17 ਜੁਲਾਈ ਦਾ ਦੱਸਿਆ ਗਿਆ ਹੈ।
ਵੈਸਟ ਵੈਨਕੂਵਰ ਪੁਲਿਸ ਦੇ ਇੱਕ ਅਫ਼ਸਰ ਨੇ ਨੌਰਥ ਵੈਨਕੂਵਰ 'ਚ ਮੇਨ ਸਟ੍ਰੀਟ ਦੇ 1700 ਬਲੌਕ ਕੋਲ ਇੱਕ ਟਰੈਫਿਕ ਸਟੌਪ ਕੀਤਾ।
ਵਾਹਨ ਚਾਲਕ ਬਾਰੇ ਪਤਾ ਲੱਗਿਆ ਕਿ ਉਸ 'ਤੇ 2 ਗ੍ਰਿਫਤਾਰੀ ਦੇ ਵਾਰੰਟ ਜਾਰੀ ਸਨ।
ਉਸ ਨੂੰ ਹਿਰਾਸਤ 'ਚ ਲੈ ਲਿਆ ਗਿਆ।
ਉਸ ਦੇ ਵਾਹਨ ਦੀ ਜਾਂਚ ਦੌਰਾਨ ਇੱਕ ਭਰੀ ਹੋਈ ਬੰਦੂਕ, ਹਥਿਆਰ, ਪੈਕ ਕੀਤੇ ਡਰੱਗਸ ਅਤੇ ਪੁਲਿਸ ਨਾਲ ਸੰਬੰਧਤ ਜਾਪਦੀ ਕੁਝ ਇਕਵਿਪਮੈਂਟ ਮਿਲੀ।
ਇਸ 'ਚ ਹੋਲਸਟਰ, ਫੇਕ ਪੁਲਿਸ ਬੈਜ ਅਤੇ ਬੰਦੂਕ ਦੀ ਬੈਲਟ ਵੀ ਸ਼ਾਮਿਲ ਸੀ।
ਇਸ ਤੋਂ ਬਾਅਦ 22 ਜੁਲਾਈ ਨੂੰ ਨੌਰਥ ਵੈਨਕੂਵਰ ਆਰ.ਸੀ.ਐਮ.ਪੀ. ਅਤੇ ਕੰਬਾਈਂਡ ਫੋਰਸਿਸ ਸਪੈਸ਼ਲ ਐਨਫੋਰਸਮੈਂਟ ਯੂਨਿਟ ਵੱਲੋਂ ਇਸ ਵਿਅਕਤੀ ਦੇ ਘਰ 'ਚ ਤਲਾਸ਼ੀ ਲਈ ਗਈ।
ਇਸ ਦੌਰਾਨ ਅਜਿਹੀ ਇਕਵਿਪਮੈਂਟ ਮਿਲੀ ਜੋ ਕਿ ਬੰਦੂਕਾਂ ਬਣਾਉਣ ਲਈ ਵਰਤੀ ਜਾਂਦੀ ਹੈ ਜਿਸ 'ਚ 3D ਪ੍ਰਿੰਟਰ ਵੀ ਸ਼ਾਮਿਲ ਹਨ।
ਇਸ ਤੋਂ ਇਲਾਵਾ ਹਥਿਆਰ, ਝੂਠੇ ਆਈ.ਡੀ., ਸ਼ੱਕੀ ਡਰੱਗਸ ਅਤੇ ਹੋਰ ਡਰੱਗ ਪੈਰਾਫਰਨੇਲੀਆ ਸ਼ਾਮਿਲ ਸੀ।
ਇਸ ਮਾਮਲੇ 'ਚ 31 ਸਾਲਾ ਥੌਮਸ ਬਰੇਸਕੀ ਨਾਮ ਦੇ ਵਿਅਕਤੀ 'ਤੇ ਵੱਖ-ਵੱਖ ਮਾਮਲਿਆਂ 'ਚ 7 ਦੋਸ਼ ਲੱਗੇ ਹਨ।
ਪੁਲਿਸ ਵੱਲੋਂ ਜਾਰੀ ਨਿਊਜ ਰਿਲੀਜ਼:
https://westvanpolice.ca/news/traffic-stop-yields-loaded-firearm-and-drugs
