12.15C Vancouver 12.15C VancouverSep 2, 2021 12:09 AM -
ਬੀ.ਸੀ. ਦੇ ਵਿੱਚ ਹੁਣ 12 ਸਾਲ ਅਤੇ ਉਸ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਟ੍ਰਾਂਜ਼ਿਟ ਦੀ ਮੁਫ਼ਤ ਸਵਾਰੀ ਸ਼ੁਰੂ ਹੋ ਗਈ ਹੈ।
ਅੱਜ ਵੈਨਕੂਵਰ ਦੇ 'ਪੈਸੀਫਿਕ ਨੈਸ਼ਨਲ ਐਗਜ਼ੀਬਿਸ਼ਨ ਫੇਅਰਗਰਾਉਂਡਸ' ਵਿੱਚ ਅਧਿਕਾਰਿਤ ਤੌਰ 'ਤੇ 'ਫ੍ਰੀ ਟ੍ਰਾਂਜ਼ਿਟ ਫੌਰ ਚਿਲਡਰਨ 12 ਐਂਡ ਅੰਡਰ ਪ੍ਰੋਗਰਾਮ' ਦੀ ਸ਼ੁਰੂਆਤ ਕੀਤੀ ਗਈ।
ਟਰਾਂਸਪੋਰਟੇਸ਼ਨ ਅਤੇ ਇਨਫਰਾਸਟਰਕਚਰ ਮੰਤਰੀ ਰੌਬ ਫਲੈਮਿੰਗ ਨੇ ਕਿਹਾ ਕਿ ਉਹ ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਤੋਂ ਬੇਹਦ ਉਤਸ਼ਾਹਿਤ ਹਨ।
ਉਨ੍ਹਾਂ ਕਿਹਾ ਕਿ ਇਹ ਕਦਮ ਸਰਕਾਰ ਦੇ ਸੁਰੱਖਿਅਤ, ਭਰੋਸੇਯੋਗ ਅਤੇ ਅਫੋਰਡੇਬਲ ਪਬਲਿਕ ਟ੍ਰਾਂਜ਼ਿਟ ਪ੍ਰਦਾਨ ਕਰਨ ਦੇ ਵਾਅਦੇ ਦਾ ਹਿੱਸਾ ਹੈ।
ਉਨ੍ਹਾਂ ਕਿਹਾ ਕਿ ਅਸੀਂ 12 ਸਾਲ ਅਤੇ ਉਸ ਤੋਂ ਘਟ ਉਮਰ ਦੇ ਲੋਕਾਂ ਲਈ ਮੁਫਤ ਟ੍ਰਾਂਜ਼ਿਟ ਦਾ ਵਾਅਦਾ ਕੀਤਾ ਸੀ ਅਤੇ ਅੱਜ ਇਹ ਵਾਅਦਾ ਪੂਰਾ ਕਰ ਵਿਖਾਇਆ ਹੈ।
ਇਸ ਪ੍ਰੋਗਰਾਮ ਨੂੰ ਇੱਕ ਅਜਿਹੀ ਬੱਸ ਦੇ ਸਾਹਮਣੇ ਲਾਂਚ ਕੀਤਾ ਗਿਆ ਜਿਸ 'ਤੇ ਇਸ ਪ੍ਰੋਗਰਾਮ ਦਾ ਲੋਗੋ ਚਿੰਨ੍ਹਤ ਸੀ ਜਿਸ 'ਤੇ ਲਿਖਿਆ ਸੀ, 'ਗੈਟ ਔਨ ਬੋਰਡ - ਕਿਡਸ 12 ਐਂਡ ਅੰਡਰ ਰਾਈਡ ਫ੍ਰੀ।'
