10.14C Vancouver 10.14C VancouverNov 10, 2021 9:53 PM - The Canadian Press
ਕੋਕਿਹਾਲਾ ਹਾਈਵੇਅ 'ਤੇ ਬਰਫਬਾਰੀ ਕਾਰਨ ਬਣੇ ਮੁਸ਼ਕਿਲ ਹਾਲਾਤਾਂ 'ਚ ਕੁਝ ਸੁਧਾਰ ਹੋਇਆ ਦੱਸਿਆ ਗਿਆ ਹੈ।
ਹੋਪ ਅਤੇ ਮੈਰਿਟ ਵਿਚਾਲੇ ਬੀਤੀ ਰਾਤ ਕਰੀਬ 38 ਸੈਂਟੀਮੀਟਰ ਬਰਫ ਇਕੱਤਰ ਹੋ ਗਈ ਸੀ।
ਇਸ ਰੂਟ ਨੂੰ ਦੋਵੇਂ ਦਿਸ਼ਾਵਾਂ 'ਚ ਬੰਦ ਕਰ ਦਿੱਤਾ ਗਿਆ ਸੀ।
ਕਰਿਊਸ ਨੂੰ ਇਲਾਕੇ 'ਚ ਗੱਡੀਆਂ ਨੂੰ ਚਲਾਉਣ ਸੰਬੰਧੀ ਪ੍ਰੇਸ਼ਾਨੀਆਂ ਤੋਂ ਇਲਾਵਾ ਫੈਂਡਰ-ਬੈਂਡਰ ਜਿਹੀਆਂ ਸ਼ਿਕਾਇਤਾਂ ਮਿਲੀਆਂ ਸਨ।
ਹਾਲਾਂਕਿ ਕਿਸੇ ਦੇ ਗੰਭੀਰ ਜਖਮੀ ਹੋਣ ਤੋਂ ਬਚਾਅ ਰਿਹਾ।
ਕੋਕਿਹਾਲਾ ਕਨੈਕਟਰ ਅਤੇ ਮੈਨਿੰਗ ਪਾਰਕ ਕੋਲ ਐਲੀਸਨ ਪਾਸ ਦੇ ਕੋਲ ਵੀ ਪਰਿਸਥਿਤੀਆਂ ਨੂੰ ਮੁਸ਼ਕਿਲ ਦੱਸਿਆ ਗਿਆ।
ਹਾਲਾਂਕਿ ਇਨ੍ਹਾਂ ਇਲਾਕਿਆਂ 'ਚ ਭਾਰੀ ਬਰਫਬਾਰੀ ਤੋਂ ਬਚਾਅ ਰਿਹਾ।
ਅੱਜ ਸਵੇਰ ਤਕ ਵੀ ਹੋਪ ਅਤੇ ਮੈਰਿਟ ਵਿਚਾਲੇ ਦੇ ਇਲਾਕਿਆਂ ਲਈ ਭਾਰੀ ਬਰਫਬਾਰੀ ਦੀ ਚੇਤਾਵਨੀ ਜਾਰੀ ਸੀ।
ਅੱਜ ਦਿਨ ਦੇ ਦੌਰਾਨ ਇਸ ਇਲਾਕੇ 'ਚ ਬਰਫ ਦੇ ਫਲਰੀਸ 'ਚ ਤਬਦੀਲ ਹੋਣ ਦਾ ਅਨੁਮਾਨ ਦੱਸਿਆ ਗਿਆ ਹੈ।
