13.48C Vancouver 13.48C VancouverApr 5, 2024 5:35 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਮਾਲਕ ਅਤੇ ਕਿਰਾਏ ਲਈ ਘਰਾਂ ਦੇ ਫਾਸਟਰ ਨਿਰਮਾਣ ਅਤੇ ਇਨ੍ਹਾਂ ਨੂੰ ਸਸਤੇ ਬਣਾਉਣ ਵਿਚ ਮਦਦ ਕਰਨ ਲਈ $600 ਮਿਲੀਅਨ ਦੇ ਨਵੇਂ ਪੈਕੇਜ ਦੀ ਘੋਸ਼ਣਾ ਕੀਤੀ ਹੈ। ਮਾਡਿਊਲਰ ਅਤੇ ਪ੍ਰੀਫੈਬਰੀਕੇਟਿਡ ਘਰਾਂ ਦੇ ਵਿਕਾਸ ਲਈ ਇਹ ਫੰਡਿੰਗ ਬਜਟ ਵਿਚ ਰੱਖੀ ਜਾ ਰਹੀ ਹੈ, ਜਿਨ੍ਹਾਂ ਦਾ ਨਿਰਮਾਣ ਆਸਾਨੀ ਨਾਲ ਅਤੇ ਤੇਜ਼ੀ ਨਾਲ ਕੀਤਾ ਜਾ ਸਕਦਾ ਹੈ।
ਟਰੂਡੋ ਨੇ ਕਿਹਾ ਕਿ ਨਵੀਂ ਫੰਡਿੰਗ ਦਾ ਉਦੇਸ਼ ਕੈਨੇਡਾ ਭਰ ਵਿਚ ਘਰ ਬਣਾਉਣ ਦੇ ਤਰੀਕਿਆਂ ਨੂੰ ਬਦਲਣ ਵਿਚ ਮਦਦ ਕਰਨਾ ਤੇ ਰਿਹਾਇਸ਼ ਨੂੰ ਕਿਫਾਇਤੀ ਬਣਾਉਣਾ ਹੈ। $600 ਮਿਲੀਅਨ ਵਿਚੋਂ 50 ਮਿਲੀਅਨ ਡਾਲਰ ਹੋਮ ਬਿਲਡਿੰਗ ਟੈਕਨਾਲੋਜੀ ਇਨੋਵੇਸ਼ਨ ਫੰਡ ਲੌਂਚ ਕਰਨ ਲਈ ਰੱਖੇ ਜਾ ਰਹੇ ਹਨ, ਹੋਰ $50 ਮਿਲੀਅਨ ਉਸਾਰੀ ਨੂੰ ਆਧੁਨਿਕ ਬਣਾਉਣ ਅਤੇ ਤੇਜ਼ ਕਰਨ ਲਈ ਖ਼ਰਚੇ ਜਾਣਗੇ ਅਤੇ $500 ਮਿਲੀਅਨ ਘੱਟ ਲਾਗਤ ਵਾਲਾ ਕਰਜ਼ੇ ਲਈ ਹੋਣਗੇ।
ਗੌਰਤਲਬ ਹੈ ਕਿ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਪ੍ਰੀ-ਬਜਟ ਘੋਸ਼ਣਾ ਲਈ ਅੱਜ ਕੈਲਗਰੀ ਵਿਚ ਸਨ। ਟਰੂਡੋ ਨੇ ਕਿਹਾ ਕਿ ਮਾਡਿਊਲਰ ਅਤੇ ਪ੍ਰੀਫੈਬਰੀਕੇਟਿਡ ਘਰਾਂ ਦੇ ਨਿਰਮਾਣ ਲਈ ਪ੍ਰਾਈਵੇਟ ਸੈਕਟਰ ਨੂੰ ਇਹ ਮਦਦ ਦਿੱਤੀ ਜਾਵੇਗੀ।
ਸ਼ੁੱਕਰਵਾਰ ਦੀ ਹਾਊਸਿੰਗ ਫੰਡਿੰਗ ਘੋਸ਼ਣਾ ਇਸ ਹਫਤੇ ਅਜਿਹੀ ਚੌਥੀ ਘੋਸ਼ਣਾ ਹੈ ਜੋ ਫੈਡਰਲ ਬਜਟ ਤੋਂ ਪਹਿਲਾਂ ਕੀਤੀ ਗਈ ਹੈ। ਸਰਕਾਰ ਵਲੋਂ ਬਜਟ 16 ਅਪ੍ਰੈਲ ਨੂੰ ਪੇਸ਼ ਕੀਤਾ ਜਾਣਾ ਹੈ ਅਤੇ ਟਰੂਡੋ ਇਲੈਕਸ਼ਨ ਕੰਪੇਨ ਦੀ ਤਰ੍ਹਾਂ ਪਹਿਲਾਂ ਹੀ ਯੋਜਨਾਵਾਂ ਨੂੰ ਲੋਕਾਂ ਤੱਕ ਪਹੁੰਚਾ ਰਹੇ ਹਨ।
