13.61C Vancouver 13.61C VancouverJul 29, 2024 3:40 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਪਾਰਟੀ ਲਈ ਅਗਲੀਆਂ ਜਨਰਲ ਇਲੈਕਸ਼ਨ ਤੋਂ ਪਹਿਲਾਂ ਇੱਕ ਹੋਰ ਟੈਸਟ ਹੋਣ ਜਾ ਰਿਹਾ ਹੈ। ਦਰਅਸਲ, ਮਾਂਟਰੀਅਲ ਏਰੀਏ ਵਿਚ ਖਾਲੀਆਂ ਹੋਈਆਂ ਦੋ ਸੰਸਦੀ ਸੀਟਾਂ ’ਤੇ 16 ਸਤੰਬਰ ਨੂੰ ਜ਼ਿਮਨੀ ਚੋਣ ਕਰਵਾਉਣ ਦੀ ਹਰੀ ਝੰਡੀ ਦਿੱਤੀ ਗਈ ਹੈ।
ਇਨ੍ਹਾਂ ਵਿਚ ਲਾਸਾਲੇ—ਏਮਾਰਡ—ਵਰਡਨ ਸੀਟ ਲਿਬਰਲ ਕੋਲ ਹੀ ਸੀ, ਜੋ ਕੈਬਨਿਟ ਮਿਨਿਸਟਰ ਡੇਵਿਡ ਲੈਮੇਟੀ ਵਲੋਂ ਅਸਤੀਫਾ ਦਿੱਤੇ ਜਾਣ ਮਗਰੋਂ ਖਾਲੀ ਹੋਈ। ਉੱਥੇ ਹੀ, ਮੈਨੀਟੋਬਾ ਦੀ ਦੂਜੀ ਸੰਸਦੀ ਸੀਟ ਐਲਮਵੁੱਡ-ਟਰਾਂਸਕੋਨਾ ਜਗਮੀਤ ਸਿੰਘ ਦੀ ਨਿਊ ਡੈਮੋਕ੍ਰੇਟਿਕ ਪਾਰਟੀ ਕੋਲ ਸੀ।
ਹਾਲ ਹੀ ਵਿਚ ਟੋਰਾਂਟੋ ਦੀ ਸੰਸਦੀ ਸੀਟ ਹਾਰਨ ਤੋਂ ਬਾਅਦ ਲਿਬਰਲਸ ਲਈ ਇਹ ਪਹਿਲੀ ਪ੍ਰੀਖਿਆ ਹੋਵੇਗੀ, ਜਿੱਥੇ ਜੂਨ ਵਿਚ ਹੋਈ ਜ਼ਿਮਨੀ ਚੋਣ ਵਿਚ ਟਰੂਡੋ ਦੀ ਲਿਬਰਲ ਪਾਰਟੀ ਕੰਜ਼ਰਵੇਟਿਵ ਤੋਂ ਹਾਰ ਗਈ ਸੀ, ਜਦੋਂ ਕਿ ਇਹ ਸੀਟ ਦਹਾਕਿਆਂ ਤੋਂ ਲਿਬਰਲਸ ਦਾ ਗੜ੍ਹ ਸੀ।
ਉੱਥੇ ਹੀ, ਨੈਸ਼ਨਲ ਸਰਵੇ ਦੱਸਦੇ ਹਨ ਕਿ ਮੁੱਖ ਵਿਰੋਧੀ ਧਿਰ ਕੰਜ਼ਰਵੇਟਿਵ ਅਜੇ ਵੀ ਲਿਬਰਲਸ ਤੋਂ ਦੋਹਰੇ ਅੰਕਾਂ ਨਾਲ ਅੱਗੇ ਚੱਲ ਰਹੀ ਹੈ।
ਟੋਰਾਂਟੋ ਸੇਂਟ ਪਾਲ ਦੀ ਬਾਇ-ਇਲੈਕਸ਼ਨ ਵਿਚ ਹਾਰ ਮਗਰੋਂ ਟਰੂਡੋ ’ਤੇ ਕਾਫੀ ਦਬਾਅ ਰਿਹਾ ਹੈ ਪਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਾਫ ਕੀਤਾ ਹੈ ਕਿ ਉਹ ਅਗਲੇ ਇਲੈਕਸ਼ਨ ਵਿਚ ਵੀ ਪਾਰਟੀ ਦੀ ਅਗਵਾਈ ਕਰਨਗੇ। ਓਧਰ, ਕੰਜ਼ਰਵੇਟਿਵ ਅਤੇ ਨਿਊ ਡੈਮੋਕ੍ਰੇਟਿਕ ਦੋਵੇਂ ਇਸ ਉਮੀਦ ਨਾਲ ਜ਼ਿਮਨੀ ਚੋਣ ਵਿਚ ਉਤਰੇ ਹਨ ਕਿ ਉਨ੍ਹਾਂ ਨੂੰ ਲਿਬਰਲਸ ਦੀ ਕਮਜ਼ੋਰੀ ਦਾ ਫਾਇਦਾ ਮਿਲੇਗਾ।
