14.56C Vancouver 14.56C VancouverOct 29, 2020 3:41 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਫਰਾਂਸ ਦੇ ਨੀਸ ਸ਼ਹਿਰ ਵਿੱਚ ਵਾਪਰੇ ਜਾਨਲੇਵਾ ਹਮਲੇ ਦੀ ਨਿਖੇਧੀ ਕਰਦਿਆਂ ਇਸ ਨੂੰ ਮਾਰੂ ਅੱਤਵਾਦੀ ਹਮਲਾ ਕਿਹਾ ਹੈ।
ਫਰੈਂਚ ਅਧਿਕਾਰੀਆਂ ਮੁਤਾਬਕ ਵੀਰਵਾਰ ਨੂੰ ਨੌਤਰ ਦਾਮ ਚਰਚ ਦੇ ਬਾਹਰ ਹਮਲਾਵਰ ਨੇ ਚਾਕੂ ਨਾਲ ਹਮਲਾ ਕੀਤਾ ਅਤੇ 3 ਵਿਅਕਤੀਆਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ।
ਹਮਲੇ ਤੋਂ ਬਾਅਦ ਦੇਸ਼ ਵਿੱਚ ਸੁਰੱਖਿਆ ਚੇਤਾਵਨੀ ਸਥਿਤੀ ਸਭ ਤੋਂ ਉੱਚੇ ਪੱਧਰ ਦੀ ਕਰ ਦਿੱਤੀ ਗਈ ਹੈ।
ਇੱਕ ਟਵਿਟਰ ਪੋਸਟ ਵਿੱਚ ਟਰੂਡੋ ਨੇ ਪੀੜਤ ਪਰਿਵਾਰਾਂ ਲਈ ਸੋਗ ਦਾ ਪ੍ਰਗਟਾਵਾ ਕਰਦਿਆਂ ਕਿਹਾ ਕਿ ਕੈਨੇਡਾ ਫਰਾਂਸ ਦੇ ਲੋਕਾਂ ਨਾਲ ਏਕਤਾ ਵਿੱਚ ਖੜ੍ਹਾ ਹੈ ਅਤੇ ਹਮਲੇ ਨੂੰ ਨਾਜਾਇਜ਼ ਕਰਾਰ ਦਿੰਦਾ ਹੈ।
ਬਲੌਕ ਕਿਊਬਿਕੁਆ ਦੇ ਲੀਡਰ ਈਵ-ਫਰੌਨਸੁਆ ਬਲਾਨਸ਼ੈਟ ਨੇ ਟਰੂਡੋ ਦੀ ਆਲੋਚਨਾ ਕਰਦਿਆਂ ਕਿਹਾ ਕਿ ਪਹਿਲੇ ਹਮਲਿਆਂ ਤੋਂ ਬਾਅਦ ਪ੍ਰਧਾਨ ਮੰਤਰੀ ਵਲੋਂ ਕੀਤੀ ਨਿਖੇਧੀ ਕਾਫੀ ਨਹੀਂ ਸੀ।
ਵੀਰਵਾਰ ਦੀ ਵਾਰਦਾਤ ਫਰਾਂਸ ਵਿੱਚ ਬੀਤੇ 2 ਮਹੀਨੇ ਵਿੱਚ ਹੋਣ ਵਾਲਾ ਤੀਸਰਾ ਹਮਲਾ ਹੈ, ਜਿਸ ਵਿੱਚੋਂ ਇੱਕ ਵਿੱਚ ਇੱਕ ਅਧਿਆਪਕ ਦਾ ਸਿਰ ਵੀ ਕਲਮ ਕਰ ਦਿੱਤਾ ਗਿਆ ਸੀ।
ਅਧਿਕਾਰੀਆਂ ਵਲੋਂ ਮੁਸਲਮਾਨ ਕੱਟੜਪੰਥੀ ਨੂੰ ਇਸ ਹਮਲੇ ਲਈ ਜ਼ਿਮੇਂਵਾਰ ਠਹਿਰਾਇਆ ਗਿਆ ਹੈ।
ਕੁਝ ਸਮਾਂ ਪਹਿਲਾਂ ਚਾਰਲੀ ਹੇਬਦੋ ਅਖਬਾਰ ਵਿੱਚ ਨਬੀ ਮੋਹੰਮਦ ਦੀਆਂ ਵਿਅੰਗਾਤਮਕ ਤਸਵੀਰਾਂ ਦੁਬਾਰਾ ਛਪਣ ਤੋਂ ਬਾਅਦ ਮੁਸਲਮਾਨ ਭਾਈਚਾਰੇ ਵਿੱਚ ਰੋਸ ਦੀ ਲਹਿਰ ਛਾ ਗਈ ਹੈ।
