14.97C Vancouver 14.97C VancouverJul 16, 2022 12:23 AM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਅੱਜ ਦੀ ਦਿਨ ਦੇ ਕੁਝ ਦੌਰਿਆਂ 'ਚ ਪ੍ਰਦਰਸ਼ਨਕਾਰੀਆਂ ਕਾਰਨ ਰੁਕਾਵਟ ਪੇਸ਼ ਆਈ।
ਔਟਵਾ ਦੇ ਇਲਾਕੇ 'ਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕੁਝ ਥਾਵਾਂ 'ਤੇ ਪਹੁੰਚ ਕਰਨੀ ਸੀ ਪਰ ਇਸੇ ਦੌਰਾਨ ਕੁਝ ਐਂਟੀ ਲਿਬਰਲ ਪ੍ਰਦਰਸ਼ਨਕਾਰੀ ਇੱਕ ਬ੍ਰਿਊਰੀ ਦੇ ਬਾਹਰ ਇਕੱਤਰ ਹੋ ਗਏ।
ਜਦ ਪ੍ਰਦਰਸ਼ਨਕਾਰੀ ਮੌਕੇ 'ਤੇ ਪਹੁੰਚੇ ਤਾਂ ਉਸ ਵੇਲੇ ਤਕ ਪ੍ਰਧਾਨ ਮੰਤਰੀ ਉੱਥੇ ਪਹੁੰਚੇ ਨਹੀਂ ਸਨ।
ਜਾਣਕਾਰੀ ਦਿੱਤੀ ਗਈ ਕਿ ਟਰੂਡੋ ਔਟਵਾ ਤੋਂ ਕਰੀਬ 30 ਮਿੰਟ ਦੀ ਦੂਰੀ 'ਤੇ ਸਥਿਤ ਔਂਟੈਰੀਓ ਦੇ ਐਮਬਰਨ ਇਲਾਕੇ 'ਚ ਸਥਿਤ ਬ੍ਰੈਸਰੀ ਐਟੀਨ ਬਰੂਲ ਬ੍ਰਿਊਰੀ ਵੱਲ ਵਧ ਰਹੇ ਸਨ ਜਦ ਉਨ੍ਹਾਂ ਨੂੰ ਦੱਸਿਆ ਗਿਆ ਕਿ ਇਹ ਈਵੈਂਟ ਰੱਦ ਕੀਤਾ ਜਾ ਰਿਹਾ ਹੈ।
ਇਸ ਬ੍ਰਿਊਰੀ ਦੇ ਕੋਲ ਕਰੀਬ ਇੱਕ ਦਰਜਨ ਪ੍ਰਦਰਸ਼ਨਕਾਰੀਆਂ ਦੇ ਪਹੁੰਚਣ ਦੀ ਖਬਰ ਸਾਹਮਣੇ ਆਈ ਹੈ।
ਯਾਦ ਰਹੇ ਇਸੇ ਸਾਲ ਫਰੀਡਮ ਕਾਨਵਾਈ ਪ੍ਰਦਰਸ਼ਨਾਂ ਦੌਰਾਨ ਇਸ ਇਲਾਕੇ 'ਚ ਪ੍ਰਦਰਸ਼ਨਕਾਰੀਆਂ ਵੱਲੋਂ ਇੱਕ ਬੇਸ ਕੈਂਪ ਸਥਾਪਿਤ ਕੀਤਾ ਗਿਆ ਸੀ।
