15.04C Vancouver 15.04C VancouverJul 19, 2024 4:01 PM - The Canadian Press
ਕੈਨੇਡਾ ਨੂੰ ਸ਼ੁੱਕਰਵਾਰ ਨਵਾਂ ਲੇਬਰ ਮਿਨਿਸਟਰ ਮਿਲ ਸਕਦਾ ਹੈ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਲੋਂ ਆਊਟਗੋਇੰਗ ਲੇਬਰ ਮਿਨਿਸਟਰ ਸੀਮਸ ਓ’ਰੀਗਨ ਦੀ ਥਾਂ ’ਤੇ ਨਵੇਂ ਮਿਨਿਸਟਰ ਦੀ ਘੋਸ਼ਣਾ ਕੀਤੇ ਜਾਣ ਦੀ ਉਮੀਦ ਹੈ, ਜਿਨ੍ਹਾਂ ਦਾ ਅਸਤੀਫਾ ਅੱਜ ਤੋਂ ਲਾਗੂ ਹੋਇਆ ਹੈ।
ਟਰੂਡੋ ਦੇ ਦਫ਼ਤਰ ਨੇ ਇਹ ਜਾਣਕਾਰੀ ਨਹੀਂ ਦਿੱਤੀ ਕਿ ਕੈਬਨਿਟ ਵਿਚ ਇਹ ਮਾਮੂਲੀ ਤਬਦੀਲੀ ਹੀ ਕੀਤੀ ਜਾਵੇਗੀ ਜਾਂ ਕੀ ਹੋਰ ਮਿਨਿਸਟਰਸ ਦੇ ਵੀ ਮੰਤਰਾਲੇ ਬਦਲੇ ਜਾ ਸਕਦੇ ਹਨ। ਹਾਲਾਂਕਿ, ਸੂਤਰਾਂ ਦਾ ਕਹਿਣਾ ਹੈ ਕਿ ਕੈਬਨਿਟ ਵਿਚ ਵੱਡੇ ਫੇਰਬਦਲ ਦੀ ਉਮੀਦ ਨਹੀਂ।
ਓ’ਰੀਗਨ ਨੇ ਬੀਤੇ ਕੱਲ੍ਹ ਪ੍ਰਧਾਨ ਮੰਤਰੀ ਨੂੰ ਅਸਤੀਫਾ ਭੇਜਦੇ ਇਹ ਵੀ ਕਿਹਾ ਸੀ ਕਿ ਉਹ ਅਗਲੀ ਇਲੈਕਸ਼ਨ ਨਹੀਂ ਲੜਨਗੇ ਅਤੇ ਟਰੂਡੋ ਸਾਹਮਣੇ ਹੁਣ ਇਹੀ ਵੱਡੀ ਚੁਣੌਤੀ ਹੈ ਕਿ ਜੋ ਐੱਮ.ਪੀ. ਕੈਬਨਿਟ ਵਿਚ ਹਨ ਉਹ ਇਸ ਦਾ ਖੁਲਾਸਾ ਕਰਨ ਕਿ ਉਹਨਾਂ ਵਿਚੋਂ ਕੌਣ ਅਗਲੀਆਂ ਇਲੈਕਸ਼ਨ ਲੜਨ ਦਾ ਇਰਾਦਾ ਰੱਖਦੇ ਹੈ ਅਤੇ ਕੌਣ ਨਹੀਂ।
ਇਸ ਨਾਲ ਟਰੂਡੋ ਲਈ ਅੱਗੇ ਜਾ ਕੇ ਕੈਬਨਿਟ ਫੇਰਬਦਲ ਦਾ ਰਸਤਾ ਸਾਫ ਹੋ ਸਕਦਾ ਹੈ, ਜਿਸ ਦੀ ਪਾਰਟੀ ਵਿਚ ਕੁਝ ਲੋਕ ਉਮੀਦ ਕਰ ਰਹੇ ਹਨ। ਪ੍ਰਧਾਨ ਮੰਤਰੀ ਨੇ ਪਿਛਲੀ ਵਾਰ ਕੈਬਨਿਟ ਵਿਚ ਫੇਰਬਦਲ ਇਸੇ ਸੋਚ ਨਾਲ ਕੀਤਾ ਸੀ ਤਾਂ ਜੋ ਲੋਕਾਂ ਵਿਚ ਇਨ੍ਹਾਂ ਚਿਹਰਿਆਂ ਨਾਲ ਚੋਣ ਲੜੀ ਜਾ ਸਕੇ।
