15.52C Vancouver 15.52C VancouverMay 5, 2020 3:47 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕੋਵਿਡ-19 ਮਹਾਂਮਾਰੀ ਤੋਂ ਪ੍ਰਭਾਵਿਤ ਹੋਏ ਖੇਤੀਬਾੜੀ ਦੇ ਖੇਤਰਾਂ ਲਈ $252 ਮਿਲੀਅਨ ਦੇ ਵਿੱਤੀ ਸਹਿਯੋਗ ਦਾ ਵਾਅਦਾ ਕੀਤਾ ਹੈ।
ਟਰੂਡੋ ਮੁਤਾਬਕ ਇਸ ਵਿੱਚੋਂ $77 ਮਿਲੀਅਨ ਫੂਡ ਪ੍ਰੋਸੈਸਿੰਗ ਖੇਤਰ ਵਿੱਚ ਕਾਮਿਆਂ ਨੂੰ ਸੁਰੱਖਿਅਤ ਰੱਖਣ ਲਈ ਮੁਹੱਈਆ ਕਰਵਾਏ ਜਾਣਗੇ।
ਕੋਵਿਡ-19 ਦਾ ਪ੍ਰਭਾਵ ਖਾਸ ਤੌਰ ਤੇ ਮੀਟ ਪੈਕਿੰਗ ਪਲਾਂਟਾਂ ਉੱਤੇ ਦੇਖਣ ਨੂੰ ਮਿਲ ਰਿਹਾ ਹੈ ਜਿੱਥੇ ਕਰੋਨਾਵਾਇਰਸ ਦੇ ਕਈ ਮਾਮਲੇ ਉੱਭਰ ਕੇ ਸਾਹਮਣੇ ਆਏ ਹਨ।
ਇਸ ਰਾਹਤ ਪੈਕੇਜ ਜ਼ਰੀਏ ਉਨ੍ਹਾਂ ਬੀਫ ਅਤੇ ਪੋਰਕ ਦੇ ਉਤਪਾਦਕਾਂ ਨੂੰ ਆਰਥਿਕ ਸਹਿਯੋਗ ਮਿਲੇਗਾ ਜੋ ਆਪਣੇ ਜਾਨਵਰ ਵੇਚਣ ਤੋਂ ਅਸਮਰਥ ਹਨ, ਡੇਅਰੀ ਇੰਡਸਟਰੀ ਨੂੰ ਇੱਕ ਕ੍ਰੈਡਿਟ ਪ੍ਰੋਗਰਾਮ ਮੁਹੱਈਆ ਕਰਵਾਇਆ ਜਾਵੇਗਾ ਅਤੇ $50 ਮਿਲੀਅਨ ਫੰਡ ਦੀ ਵਰਤੋਂ ਉਸ ਖਾਣੇ ਨੂੰ ਖਰੀਦਣ ਲਈ ਕੀਤੀ ਜਾਵੇਗੀ ਜੋ ਖਰਾਬ ਹੋ ਸਕਦਾ ਹੈ ਅਤੇ ਜਿਸ ਨੂੰ ਫੂਡ ਬੈਂਕਾਂ ਨੂੰ ਭੇਜਿਆ ਜਾ ਸਕਦਾ ਹੈ।
