20.5C Vancouver 20.5C VancouverJul 19, 2021 10:21 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਦੇਸ਼ 'ਚ ਵਧਦੀ ਵੈਕਸੀਨੇਸ਼ਨ ਦੀ ਦਰ ਕਾਰਨ ਕੈਨੇਡਾ ਨੂੰ ਬਾਰਡਰ 'ਤੇ ਢਿੱਲ ਵਰਤਣ 'ਚ ਕਾਮਯਾਬੀ ਮਿਲੀ ਹੈ।
ਉਨ੍ਹਾਂ ਕਿਹਾ ਕਿ ਵਧਦੀ ਵੈਕਸੀਨੇਸ਼ਨ ਦੇ ਨਾਲ ਦੇਸ਼ 'ਚ ਕੋਵਿਡ-19 ਦੇ ਮਾਮਲੇ ਵੀ ਘਟੇ ਹਨ।
ਟਰੂਡੋ ਨੇ ਇਹ ਵੀ ਕਿਹਾ ਕਿ ਬਾਰਡਰ 'ਤੇ ਦਿੱਤੀ ਜਾ ਰਹੀ ਢਿੱਲ ਕੈਨੇਡਾ ਅਤੇ ਅਮਰੀਕਾ ਦੇ ਚੰਗੇ ਰਿਸ਼ਤਿਆਂ ਅਤੇ ਖਾਸ ਤੌਰ 'ਤੇ ਬਾਰਡਰ 'ਤੇ ਵਸੇ ਭਾਈਚਾਰਿਆਂ ਦੇ ਨਿਵੇਕਲੇ ਰਿਸ਼ਤਿਆਂ ਨੂੰ ਵੀ ਰੈਕਗਨਿਸ਼ਨ ਦਿੰਦੀ ਹੈ।
ਹਾਲਾਂਕਿ ਉਨ੍ਹਾਂ ਮੰਨਿਆ ਕਿ ਹਾਲ ਦੀ ਘੜੀ ਅਮਰੀਕਾ ਨੇ ਨਹੀਂ ਦੱਸਿਆ ਹੈ ਕਿ ਕੈਨੇਡਾ ਦੇ ਲੋਕ ਗੈਰ-ਜਰੂਰੀ ਯਾਤਰਾ ਲਈ ਅਮਰੀਕਾ ਕਦੋਂ ਆਵਾਜਾਈ ਕਰ ਸਕਣਗੇ।
ਯਾਦ ਰਹੇ ਅੱਜ ਫੈਡਰਲ ਸਰਕਾਰ ਨੇ ਐਲਾਨ ਕੀਤਾ ਹੈ ਕਿ 9 ਅਗਸਤ ਤੋਂ ਗੈਰ-ਜਰੂਰੀ ਯਾਤਰਾ ਲਈ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋ ਚੁੱਕੇ ਅਮਰੀਕੀ ਲੋਕਾਂ ਦੇ ਦਾਖਿਲੇ ਨੂੰ ਇਜਾਜ਼ਤ ਦਿੱਤੀ ਗਈ ਹੈ।
9 ਅਗਸਤ ਤੋਂ ਕੈਨੇਡਾ 'ਚ ਹੋਟਲ ਕੁਆਰੰਟੀਨ ਦੇ 3 ਦਿਨ ਦੇ ਨਿਯਮ ਨੂੰ ਵੀ ਖਤਮ ਕੀਤਾ ਜਾ ਰਿਹਾ ਹੈ।
ਕੁਆਰੰਟੀਨ ਲਈ ਸਿੱਧਾ ਆਪਣੇ ਟਿਕਾਣੇ 'ਤੇ ਪਹੁੰਚ ਕੀਤੀ ਜਾ ਸਕੇਗੀ।
ਹਾਲਾਂਕਿ ਯਾਤਰੀਆਂ ਲਈ ਜ਼ਰੂਰੀ ਹੋਵੇਗਾ ਕਿ ਉਹ ਹੈਲਥ ਕੈਨੇਡਾ ਦੀ ਮਨਜ਼ੂਰੀ ਵਾਲੀਆਂ ਵੈਕਸੀਨ ਨਾਲ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋਣ ਅਤੇ ਅਜਿਹਾ ਘਟੋ-ਘੱਟ 14 ਦਿਨ ਪਹਿਲਾਂ ਤਕ ਹੋਇਆ ਹੋਣਾ ਜ਼ਰੂਰੀ ਹੋਵੇਗਾ।
ਅਮਰੀਕਾ ਤੋਂ ਇਲਾਵਾ ਬਾਕੀ ਦੇ ਦੇਸ਼ਾਂ ਲਈ ਆਵਾਜਾਈ ਨੂੰ ਸੌਖਾ ਬਣਾਉਣ ਦੀ ਪ੍ਰੀਕਿਰਿਆ ਲਈ 7 ਸਿਤੰਬਰ ਦੀ ਮਿਤੀ ਦਾ ਐਲਾਨ ਕੀਤਾ ਗਿਆ ਹੈ।
ਸਾਰੇ ਯਾਤਰੀਆਂ ਲਈ ਜਰੂਰੀ ਹੋਵੇਗਾ ਕਿ ਆਪਣੇ ਨੈਗੇਟਿਵ ਕੋਵਿਡ-19 ਨਤੀਜਿਆਂ ਨੂੰ ਅਰਾਈਵੀਕੈਨ ਐਪ ਰਾਹੀਂ ਦਾਖਿਲ ਕੀਤਾ ਜਾਵੇ।
ਕੈਨੇਡਾ ਬਾਰਡਰ ਸਰਵਿਸਿਸ ਏਜੈਂਸੀ ਵੱਲੋਂ ਰੈਂਡਮ ਯਾਤਰੀਆਂ ਨੂੰ ਮੌਲੀਕਿਊਲਰ ਟੈਸਟ ਲਈ ਆਖਿਆ ਜਾ ਸਕਦਾ ਹੈ।
9 ਅਗਸਤ ਤੋਂ ਹੈਲੀਫੈਕਸ, ਕਿਊਬੈਕ ਸਿਟੀ, ਔਟਵਾ, ਵਿਨੀਪੈਗ ਅਤੇ ਐਡਮਿੰਟਨ 'ਚ ਵੀ ਅੰਤਰਰਾਸ਼ਟਰੀ ਫਲਾਈਟਸ ਪਹੁੰਚ ਸਕਣਗੀਆਂ।
