13.41C Vancouver 13.41C VancouverSep 10, 2020 8:32 PM -
ਅੱਜ ਰਾਤ ਹੋਣ ਜਾ ਰਹੇ ਆਪਣੇ ਤਰ੍ਹਾਂ ਦੇ ਪਹਿਲੇ ਵਰਚੁਅਲ ਫੰਡਰੇਜ਼ਰ ਵਿਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਲਿਬਰਲ ਪਾਰਟੀ ਸਪੋਰਟਰਜ਼ ਨੂੰ ਖੁਦ ਨੂੰ ਸਵਾਲ ਪੁੱਛੇ ਜਾਣ ਦਾ ਮੌਕਾ ਦੇਣ ਜਾ ਰਹੇ ਹਨ।
ਪਾਰਟੀ ਦਾ ਕਹਿਣਾ ਹੈ ਕਿ ਇਸ ਇਵੈਂਟ ਲਈ ਡੋਨਰਸ $25 ਤੱਕ ਦਾ ਭੁਗਤਾਨ ਕਰ ਰਹੇ ਹਨ, ਤਾਂ ਜੋ ਇਸ ਮਾਸ ਵੀਡੀਓ ਲਿੰਕ ਵਿਚ ਹਿੱਸਾ ਲੈ ਸਕਣ ਅਤੇ ਲਿਬਰਲ ਲੀਡਰ ਤੋਂ ਲਿਖਤ ਵਿਚ ਕੁਝ ਸਵਾਲ ਪੁੱਛ ਸਕਣ।
ਪਾਰਟੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਅਜੇ ਤੱਕ 500 ਦੇ ਕਰੀਬ ਸਵਾਲ ਮਿਲ ਚੁੱਕੇ ਹਨ।
ਮੌਂਟਰੀਆਲ ਤੋਂ ਐਮ.ਪੀ. ਰੇਚਲ ਬੈਨਡੇਯਨ ਦੁਆਰਾ ਇਸ ਇਵੈਂਟ ਨੂੰ ਮੌਡਰੇਟ ਕੀਤਾ ਜਾ ਰਿਹਾ ਹੈ ਅਤੇ ਉਨ੍ਹਾ ਵੱਲੋਂ ਹੀ ਨਿਰਨਾ ਲਿਆ ਜਾਵੇਗਾ ਕਿ ਟਰੂਡੋ ਨੂੰ ਕਿਹੜਾ ਸਵਾਲ ਪੇਸ਼ ਕੀਤਾ ਜਾਣਾ ਹੈ।
ਟਰੂਡੋ ਆਮ ਤੌਰ 'ਤੇ ਦੇਸ਼ ਵਿਚ ਕਈ ਫੰਡਰੇਜ਼ਰ ਇਵੈਂਟਸ ਦੇ ਵਿਚ ਹਿੱਸਾ ਲੈਂਦੇ ਹਨ, ਪਰ ਕੋਵਿਡ-19 ਕਾਰਨ ਵਧੇਰੇ ਵੱਡੇ ਇਨ-ਪਰਸਨ ਇਕੱਠ ਬੰਦ ਹਨ।
ਹੁਣ ਸਾਰੀਆਂ ਹੀ ਸਿਆਸੀ ਪਾਰਟੀਆਂ ਵੱਲੋਂ ਪੈਸੇ ਇਕੱਤਰ ਕਰਨ ਲਈ ਅਤੇ ਵੋਟਰਾਂ ਤੱਕ ਪਹੁੰਚ ਬਣਾਉਣ ਲਈ ਹੋਰ ਤਰੀਕੇ ਭਾਲੇ ਜਾ ਰਹੇ ਹਨ।
