8.17C Vancouver 8.17C VancouverSep 17, 2025 5:30 PM - The Associated Press
ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਅਤੇ ਉਨ੍ਹਾਂ ਦੀ ਪਤਨੀ ਮੇਲਾਨੀਆ ਬ੍ਰਿਟੇਨ ਦੇ ਦੋ ਦਿਨਾਂ ਦੌਰੇ 'ਤੇ ਹਨ। ਵਿੰਡਸਰ ਕੈਸਲ ਪਹੁੰਚਣ 'ਤੇ ਸਭ ਤੋਂ ਪਹਿਲਾਂ ਪ੍ਰਿੰਸ ਵਿਲੀਅਮ ਅਤੇ ਪ੍ਰਿੰਸੈਸ ਕੇਟ ਮਿਡਲਟਨ ਨੇ ਉਨ੍ਹਾਂ ਦਾ ਸਵਾਗਤ ਕੀਤਾ। ਇਸ ਤੋਂ ਬਾਅਦ ਟਰੰਪ ਨੇ ਸ਼ਾਹੀ ਮਹਿਲ ਵਿਚ ਕਿੰਗ ਚਾਰਲਸ ਅਤੇ ਕੁਈਨ ਕੈਮਿਲਾ ਨਾਲ ਮੁਲਾਕਾਤ ਕੀਤੀ।
ਉਨ੍ਹਾਂ ਦਾ ਇਹ ਦੌਰਾ ਅਜਿਹੇ ਸਮੇਂ ਹੋ ਰਿਹਾ ਹੈ ਜਦੋਂ ਯੂਕੇ ਦੇ ਪ੍ਰਧਾਨ ਮੰਤਰੀ ਕੀਰ ਸਟਾਰਮਰ ਅਮਰੀਕਾ ਨਾਲ ਇੱਕ ਵਪਾਰਕ ਸਮਝੌਤੇ 'ਤੇ ਦਸਤਖਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਅਤੇ ਦੋਵੇਂ ਦੇਸ਼ਾਂ ਦਾ ਇੱਕ ਤਕਨਾਲੋਜੀ ਭਾਈਵਾਲੀ 'ਤੇ ਵੀ ਦਸਤਖਤ ਕਰਨ ਦਾ ਟੀਚਾ ਹੈ। ਟਰੰਪ ਦਾ ਇਹ ਦੂਜਾ ਬ੍ਰਿਟੇਨ ਦੌਰਾ ਹੈ, ਜਿੱਥੇ ਅਮਰੀਕੀ ਅਧਿਕਾਰੀਆਂ ਅਨੁਸਾਰ, 10 ਬਿਲੀਅਨ ਡਾਲਰ ਤੋਂ ਵੱਧ ਦੀ ਡੀਲ ਦਾ ਐਲਾਨ ਹੋਣ ਦੀ ਉਮੀਦ ਹੈ।
ਉਥੇ ਹੀ ਰਾਸ਼ਟਰਪਤੀ ਟਰੰਪ ਦੇ ਇਸ ਦੌਰੇ ਦਾ ਵਿਰੋਧ ਵੀ ਹੋ ਰਿਹਾ ਹੈ, ਕੱਲ੍ਹ ਰਾਤ ਲੋਕਾਂ ਵਲੋਂ ਵਿੰਡਸਰ ਕੈਸਲ ਦੀਆਂ ਇਤਿਹਾਸਕ ਕੰਧਾਂ 'ਤੇ ਟਰੰਪ ਅਤੇ ਦੋਸ਼ੀ ਠਹਿਰਾਇਆ ਗਿਆ ਸੈਕਸ ਓਫੈਂਡਰ ਜੈਫਰੀ ਐਪਸਟਾਈਨ ਦੀਆਂ ਤਸਵੀਰਾਂ ਲਗਾਈਆਂ ਗਈਆਂ ਸਨ। ਟਰੰਪ ਲੰਬੇ ਸਮੇਂ ਤੋਂ ਐਪਸਟਾਈਨ ਨਾਲ ਆਪਣੀ ਪਿਛਲੀ ਜਾਣ-ਪਛਾਣ ਕਾਰਨ ਆਲੋਚਨਾਵਾਂ ਦਾ ਸਾਹਮਣਾ ਕਰ ਰਹੇ ਹਨ।
