18.12C Vancouver 18.12C VancouverFeb 26, 2020 2:22 AM -
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਭਾਰਤ ਦੌਰਾ ਖਤਮ ਹੋਣ ਤੋਂ ਬਾਅਦ, ਵਾਪਸ ਆਪਣੇ ਵਤਨ ਦੀ ਉਡਾਣ ਭਰੀ ਹੈ।
ਟ੍ਰੰਪ ਅਤੇ ਉਨ੍ਹਾਂ ਦੀ ਪਤਨੀ ਮੇਲਾਨੀਆ ਟਰੰਪ ਨੇ ਇਸ ਦੌਰੇ ਦੌਰਾਨ ਪਹਿਲਾਂ ਅਹਿਮਦਾਬਾਦ 'ਚ ਹੋਏ ਸਮਾਗਮਾਂ ਨੂੰ ਵੇਖਿਆ।
ਫੇਰ ਤਾਜ ਮਹਿਲ ਵਿਖੇ ਭਾਰਤ ਦੀ ਇਤਿਹਾਸਿਕ ਤਸਵੀਰ ਦਾ ਅਨੰਦ ਮਾਣਦੇ ਹੋਏ, ਤਾਜ ਮਹਿਲ ਦੀ ਵਿਜ਼ਟਰ ਬੁੱਕ 'ਚ ਟਰੰਪ ਨੇ ਸੰਦੇਸ਼ ਲਿਖਿਆ ਕਿ ਤਾਜ, ਭਾਰਤੀ ਸੰਸਕ੍ਰਿਤੀ ਦੀ ਇੱਕ ਅਮੀਰ ਵਿਰਾਸਤ ਹੈ।
ਉਨ੍ਹਾਂ ਤਾਜ ਮਹਿਲ ਨੂੰ ਭਾਰਤੀ ਸਭਿਆਚਾਰ ਦੀ ਵੱਖਰੀ ਸੁੰਦਰਤਾ ਦੱਸਿਆ।
ਇਸ ਦੌਰਾਨ ਟਰੰਪ ਦੀ ਧੀ ਇਵਾਂਕਾ ਟਰੰਪ ਨੇ ਵੀ ਆਪਣੇ ਪਤੀ ਜੈਰਡ ਦੇ ਨਾਲ ਤਾਜ ਮਹਿਲ ਦਾ ਨਜ਼ਾਰਾ ਕੀਤਾ।
ਫੇਰ ਰਵਾਨਗੀ ਤੋਂ ਪਹਿਲਾਂ ਭਾਰਤੀ ਰਾਸ਼ਟਰਪਤੀ ਰਾਮ ਨਾਥ ਕੋਵਿੰਦ ਨੇ ਮੰਗਲਵਾਰ ਰਾਤ 7:30 ਵਜੇ ਆਪਣੇ ਅਮਰੀਕੀ ਹਮਰੁਤਬਾ ਡੋਨਾਲਡ ਟਰੰਪ ਲਈ ਵਿਸ਼ੇਸ਼ ਡਿਨਰ ਦੀ ਮੇਜ਼ਬਾਨੀ ਕੀਤੀ।
ਟਰੰਪ ਦੀ ਪਤਨੀ ਮੇਲਾਨੀਆ ਟਰੰਪ ਅਤੇ ਬੇਟੀ ਇਵਾਂਕਾ ਟਰੰਪ ਵੀ ਵਿਸ਼ੇਸ਼ ਡਿਨਰ ਵਿੱਚ ਸ਼ਾਮਲ ਸਨ, ਜਿਸ ਦੀ ਮੇਜ਼ਬਾਨੀ ਨਵੀਂ ਦਿੱਲੀ ਦੇ ਰਾਸ਼ਟਰਪਤੀ ਭਵਨ ਵਿਖੇ ਕੀਤੀ ਗਈ।
ਇਸ ਦੌਰਾਨ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ, ਅਤੇ ਉਪ ਰਾਸ਼ਟਰਪਤੀ ਐਮ. ਵੈਂਕਾਈਆ ਨਾਇਡੂ ਸਮੇਤ ਕਈ ਨੇਤਾ ਮੌਜੂਦ ਰਹੇ।
