ਟਰੰਪ ਭਲਕੇ ਪੁਤਿਨ ਨਾਲ ਕਰਨਗੇ ਗੱਲਬਾਤ

ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ ਕਿਹਾ ਕਿ ਉਹ ਯੂਕ੍ਰੇਨ ਵਿੱਚ ਜੰਗ ਖ਼ਤਮ ਕਰਨ ਦੀ ਕੋਸ਼ਿਸ਼ ਵਿੱਚ ਮੰਗਲਵਾਰ ਨੂੰ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨਾਲ ਗੱਲ ਕਰਨਗੇ। ਅਮਰੀਕੀ ਨੇਤਾ ਨੇ ਐਤਵਾਰ ਸ਼ਾਮ ਨੂੰ 'ਏਅਰ ਫੋਰਸ ਵਨ' ਰਾਹੀਂ ਫਲੋਰੀਡਾ ਤੋਂ ਵਾਸ਼ਿੰਗਟਨ ਜਾਂਦੇ ਸਮੇਂ ਪੱਤਰਕਾਰਾਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ।

ਟਰੰਪ ਨੇ ਕਿਹਾ, "ਅਸੀਂ ਦੇਖਾਂਗੇ ਕਿ ਕੀ ਸਾਡੇ ਕੋਲ ਮੰਗਲਵਾਰ ਤੱਕ ਐਲਾਨ ਕਰਨ ਲਈ ਕੁਝ ਹੈ। ਮੈਂ ਮੰਗਲਵਾਰ ਨੂੰ ਰਾਸ਼ਟਰਪਤੀ ਪੁਤਿਨ ਨਾਲ ਗੱਲ ਕਰਾਂਗਾ।' ਉਸਨੇ ਕਿਹਾ,''ਹਫਤੇ ਦੇ ਅੰਤ ਵਿੱਚ ਬਹੁਤ ਸਾਰਾ ਕੰਮ ਕੀਤਾ ਗਿਆ ਹੈ।”

ਅਸੀਂ ਦੇਖਣਾ ਚਾਹੁੰਦੇ ਹਾਂ ਕਿ ਕੀ ਅਸੀਂ ਇਸ ਯੁੱਧ ਨੂੰ ਖ਼ਤਮ ਕਰ ਸਕਦੇ ਹਾਂ।' ਰੂਸ ਨੇ ਲਗਭਗ ਤਿੰਨ ਸਾਲ ਪਹਿਲਾਂ ਯੂਕ੍ਰੇਨ 'ਤੇ ਹਮਲਾ ਕੀਤਾ ਸੀ। ਟਰੰਪ ਨੇ ਕਿਹਾ ਕਿ ਜੰਗ ਨੂੰ ਖ਼ਤਮ ਕਰਨ ਲਈ ਜ਼ਮੀਨ ਅਤੇ ਬਿਜਲੀ ਪਲਾਂਟ ਗੱਲਬਾਤ ਦਾ ਹਿੱਸਾ ਹਨ।

ਉਸ ਨੇ ਕਿਹਾ, "ਅਸੀਂ ਜ਼ਮੀਨ ਬਾਰੇ ਗੱਲ ਕਰਾਂਗੇ। ਅਸੀਂ ਪਾਵਰ ਪਲਾਂਟਾਂ ਬਾਰੇ ਗੱਲ ਕਰਾਂਗੇ।" ਟਰੰਪ ਨੇ ਇਸ ਨੂੰ "ਕੁਝ ਸੰਪਤੀਆਂ ਨੂੰ ਵੰਡਣ" ਵਜੋਂ ਦਰਸਾਇਆ।