ਜਪਾਨ ਦੇ ਤੱਟ ਤੇ ਕੁਆਰੰਟੀਨ ਕੀਤੇ ਸਮੁੰਦਰੀ ਜਹਾਜ਼ ਵਿੱਚ ਦੋ ਕੈਨੇਡੀਅਨ ਕਰੋਨਾਵਾਇਰਸ ਤੋਂ ਪੀੜਤ

ਜਪਾਨ ਦੇ ਤੱਟ ਤੇ ਕੁਆਰੰਟੀਨ ਕੀਤੇ ਗਏ ਸਮੁੰਦਰੀ ਜਹਾਜ਼ ਉੱਤੇ ਮੌਜੂਦ ਵਿਅਕਤੀਆਂ ਵਿੱਚੋਂ ਹੁਣ ਦੋ ਕੈਨੇਡੀਅਨ ਨਾਗਰਿਕਾਂ ਨੂੰ ਕਰੋਨਾਵਾਇਰਸ ਨਾਲ ਪੀੜਤ ਪਾਇਆ ਗਿਆ ਹੈ।

ਪ੍ਰਿੰਸੇਜ਼ ਕਰੂਜ਼ ਦੀ ਸਟੇਟਮੈਂਟ ਮੁਤਾਬਕ ਇਹ ਨਤੀਜੇ ਨਵੇਂ ਟੈਸਟਾਂ ਤੋਂ ਬਾਅਦ ਉੱਭਰ ਕੇ ਸਾਹਮਣੇ ਆਏ ਹਨ।

ਇਹਨਾਂ ਨਤੀਜਿਆਂ ਵਿੱਚ 10 ਹੋਰ ਵਿਅਕਤੀਆਂ ਨੂੰ ਕਰੋਨਾਵਾਇਰਸ ਤੋਂ ਪ੍ਰਭਾਵਿਤ ਪਾਇਆ ਗਿਆ ਹੈ ਜਿਨ੍ਹਾਂ ਵਿੱਚ ਚਾਰ ਜਾਪਾਨੀ, ਇੱਕ ਤਾਈਵਾਨੀ, ਦੋ ਅਮਰੀਕਨ, ਦੋ ਕੈਨੇਡੀਅਨ ਅਤੇ ਇੱਕ ਨਿਊਜ਼ੀਲੈਂਡ ਤੋਂ ਹੈ।

ਪ੍ਰਿੰਸੇਜ਼ ਕਰੂਜ਼ ਮੁਤਾਬਕ ਸਿਹਤ ਸੰਭਾਲ ਅਧਿਕਾਰੀਆਂ ਦੀ ਮਦਦ ਨਾਲ ਇਨ੍ਹਾਂ ਯਾਤਰੀਆਂ ਨੂੰ ਤੁਰੰਤ ਜਹਾਜ਼ ਤੋਂ ਉਤਾਰ ਸਥਾਨਕ ਹਸਪਤਾਲਾਂ ਵਿੱਚ ਭਰਤੀ ਕਰਵਾਇਆ ਜਾਵੇਗਾ। ਸਮੁੰਦਰੀ ਜਹਾਜ਼ ਤੇ ਮੌਜੂਦ ਯਾਤਰੀਆਂ ਦੀ ਪਹਿਲੀ ਸਕਰੀਨਿੰਗ ਵਿੱਚ 10 ਵਿਅਕਤੀਆਂ ਨੂੰ ਕਰੋਨਾਵਾਇਰਸ ਤੋਂ ਪੀੜਤ ਪਾਇਆ ਗਿਆ ਸੀ।

2,666 ਯਾਤਰੀਆਂ ਅਤੇ 1,045 ਕਰੂ ਮੈਂਬਰਸ ਨਾਲ ਭਰਿਆ ਇਹ ਸਮੁੰਦਰੀ ਜਹਾਜ਼ ਯੋਕੋਹਾਮਾ ਵਿਖੇ ਕੁਆਰੰਟੀਨ ਕਰ ਦਿੱਤਾ ਗਿਆ ਹੈ।