12.18C Vancouver 12.18C VancouverJul 26, 2022 12:38 AM - The Canadian Press
ਵਿਸਲਰ 'ਚ ਐਤਵਾਰ ਨੂੰ ਵਾਪਰੇ ਦੋਹਰੇ ਹੱਤਿਆਕਾਂਡ ਦੇ ਮਾਮਲੇ 'ਚ 2 ਪੀੜਤਾਂ ਦੀ ਪਛਾਣ ਸਾਂਝੀ ਕੀਤੀ ਗਈ ਹੈ।
ਇੰਟੈਗ੍ਰੇਟਿਡ ਹੋਮੀਸਾਈਡ ਇਨਵੈਸਟੀਗੇਸ਼ਨ ਟੀਮ ਯਾਨੀ ਕਿ ਆਈ.ਹਿਟ ਨੇ ਦੱਸਿਆ ਕਿ ਵਾਰਦਾਤ 'ਚ ਸਤਿੰਦਰ ਗਿੱਲ ਅਤੇ ਮਨਿੰਦਰ ਧਾਲੀਵਾਲ ਦੀ ਮੌਤ ਹੋ ਗਈ ਹੈ।
ਮਨਿੰਦਰ ਧਾਲੀਵਾਲ ਨੂੰ ਬ੍ਰਦਰਸ ਕੀਪਰਸ ਗੈਂਗ ਨਾਲ ਸੰਬੰਧਤ ਦੱਸਿਆ ਗਿਆ ਹੈ।
ਅੱਜ ਜਾਣਕਾਰੀ ਦਿੱਤੀ ਗਈ ਕਿ ਮਾਮਲੇ 'ਚ 2 ਸਰੀ ਨਿਵਾਸੀਆਂ 'ਤੇ ਦੋਸ਼ ਲੱਗੇ ਹਨ।
ਸਰੀ ਦੇ 24 ਸਾਲਾ ਗੁਰਸਿਮਰਨ ਸਹੋਤਾ ਅਤੇ 20 ਸਾਲਾ ਤਨਵੀਰ ਕੱਖ 'ਤੇ ਕਤਲ ਸੰਬੰਧੀ ਦੋਸ਼ ਲੱਗੇ ਹਨ।
ਆਈ.ਹਿਟ ਦਾ ਕਹਿਣਾ ਹੈ ਕਿ ਮਾਮਲਾ ਟਾਰਗੈਟਿਡ ਸ਼ੂਟਿੰਗ ਦਾ ਸੀ ਅਤੇ ਘਟਨਾ ਲੋਅਰ ਮੇਨਲੈਂਡ ਦੀ ਗੈਂਗ ਹਿੰਸਾ ਨਾਲ ਜੁੜੀ ਹੈ।
ਐਤਵਾਰ ਨੂੰ ਦਿਨ-ਦਿਹਾੜੇ ਗਿੱਲ ਅਤੇ ਧਾਲੀਵਾਲ ਨੂੰ ਵਿਸਲਰ ਦੇ ਸੰਨਡਾਇਲ ਹੋਟਲ ਦੇ ਬਾਹਰ ਗੋਲੀਆਂ ਮਾਰ ਦਿੱਤੀਆਂ ਗਈਆਂ ਸਨ।
ਜਾਣਕਾਰੀ ਦਿੱਤੀ ਗਈ ਕਿ ਦੋਵਾਂ ਬਾਰੇ ਪੁਲਿਸ ਜਾਣਦੀ ਸੀ।
ਘਟਨਾ ਨੂੰ ਦੁਪਹਿਰ ਕਰੀਬ 12.20 ਵਜੇ 'ਤੇ ਅੰਜਾਮ ਦਿੱਤਾ ਗਿਆ ਸੀ।
ਮੌਕੇ ਤੋਂ ਉਜਾਗਰ ਹੋਇਆ ਇੱਕ ਵੀਡੀਓ ਖੌਫਨਾਕ ਮੰਜਰ ਬਿਆਨ ਕਰਦਾ ਹੈ।
ਦੱਸਿਆ ਗਿਆ ਕਿ ਇੱਕ ਪੀੜਤ ਨੇ ਮੌਕੇ 'ਤੇ ਹੀ ਦਮ ਤੋੜ ਦਿੱਤਾ ਸੀ ਜਦਕਿ ਦੂਜੇ ਦੀ ਮੌਤ ਹਸਪਤਾਲ ਵਿੱਚ ਹੋ ਗਈ।
ਘਟਨਾ ਦੀ ਜਗ੍ਹਾ ਤੋਂ ਕਰੀਬ 5 ਮਿੰਟ ਦੀ ਦੂਰੀ 'ਤੇ ਇੱਕ ਵਾਹਨ ਨੂੰ ਅੱਗ ਦੇ ਹਵਾਲੇ ਕੀਤਾ ਪਾਇਆ ਗਿਆ ਸੀ।
ਆਰ.ਸੀ.ਐਮ.ਪੀ. ਦਾ ਕਹਿਣਾ ਸੀ ਕਿ ਘਟਨਾ ਤੋਂ ਬਾਅਦ 2 ਲੋਕਾਂ ਨੂੰ ਹਿਰਾਸਤ 'ਚ ਲਿਆ ਗਿਆ ਸੀ।
ਇਹ ਵਾਰਦਾਤ ਵਿਸਲਰ ਵਿਲੇਜ ਗੰਡੋਲਾ ਤੋਂ ਕੁਝ ਹੀ ਕਦਮ ਦੀ ਦੂਰੀ 'ਤੇ ਵਾਪਰੀ।
ਲੋਕਾਂ ਤੋਂ ਮੰਗ ਕੀਤੀ ਗਈ ਹੈ ਕਿ ਗੋਲੀ ਚੱਲਣ ਦੀ ਜਗ੍ਹਾ ਦੇ ਨੇੜੇ ਜਾਂ ਜਿਸ ਜਗ੍ਹਾ ਵਾਹਨ ਨੂੰ ਅੱਗ ਲਗਾਈ ਗਈ, ਉਸ ਦੀ ਕੋਈ ਜਾਣਕਾਰੀ ਜਾਂ ਫੁਟੇਜ ਹੋਵੇ ਤਾਂ ਪੁਲਿਸ ਨੂੰ ਦੱਸਿਆ ਜਾਵੇ।
ਯਾਦ ਰਹੇ ਬੀਤੇ ਸਾਲ 29 ਸਾਲਾ ਮਨਿੰਦਰ ਧਾਲੀਵਾਲ ਦੇ ਭਰਾ ਹਾਰਬ ਧਾਲੀਵਾਲ ਦੀ ਬੀਤੇ ਸਾਲ ਵੈਨਕੂਵਰ 'ਚ ਕੋਲ ਹਾਰਬਰ ਕੋਲ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ।
