14.28C Vancouver 14.28C VancouverJan 15, 2022 1:12 AM - The Canadian Press
ਸਰੀ ਦੇ ਵਿੱਚ 2 ਹੋਰ ਸਕੂਲਾਂ 'ਚ ਫੰਕਸ਼ਨਲ ਕਲੋਜ਼ਰ ਐਲਾਨ ਦਿੱਤੇ ਗਏ ਹਨ।
ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਦੇ ਫੈਲਾਅ ਵਿਚਾਲੇ ਕੁਝ ਐਲੀਮੈਂਟਰੀ ਅਤੇ ਸੈਕੰਡਰੀ ਸਕੂਲਾਂ 'ਚ ਬਿਮਾਰੀ ਅਤੇ ਆਈਸੋਲੇਸ਼ਨ ਦੇ ਮਾਮਲੇ ਰਿਪੋਰਟ ਹੋ ਰਹੇ ਹਨ।
ਅਜਿਹੇ 'ਚ ਕਈ ਸਕੂਲ ਘੱਟ ਸਟਾਫ਼ ਵਿਚਾਲੇ ਬੰਦ ਹੋਣ 'ਤੇ ਮਜਬੂਰ ਹੋ ਰਹੇ ਹਨ।
ਮਿਸ਼ਨ 'ਚ ਹੈਰੀਟੇਜ ਪਾਰਕ ਮਿਡਲ ਸਕੂਲ ਨੂੰ ਅੱਜ ਤੋਂ ਅਗਲੇ ਵੀਰਵਾਰ ਤਕ ਬੰਦ ਕਰ ਦਿੱਤਾ ਗਿਆ ਹੈ।
ਆਰਮਸਟਰੌਂਗ 'ਚ ਸਥਿਤ ਆਰਮਸਟਰੌਂਗ ਐਲੀਮੈਂਟਰੀ ਸਕੂਲ ਨੂੰ ਮੰਗਲਵਾਰ ਤਕ ਬੰਦ ਕੀਤਾ ਗਿਆ ਹੈ।
ਇਸ ਤੋਂ ਪਹਿਲਾਂ ਇਸੇ ਹਫ਼ਤੇ ਉੱਤਰਪੱਛਮੀ ਬੀ.ਸੀ. 'ਚ ਹੇਜ਼ਲਟਨ ਸੈਕੰਡਰੀ ਅਤੇ ਸਰੀ 'ਚ ਇੱਕ ਨਿਜੀ ਕਰਿਸਚਨ ਸਕੂਲ 'ਚ ਫੰਕਸ਼ਨਲ ਕਲੋਜ਼ਰ ਲਾਗੂ ਕਰ ਦਿੱਤੇ ਗਏ ਹਨ।
ਬੀ.ਸੀ. ਸਕੂਲ ਟ੍ਰਸਟੀਸ ਐਸੋਸੀਏਸ਼ਨ ਦੀ ਪ੍ਰਧਾਨ, ਸਟੈਫਨੀ ਹਿਗਿਨਸਨ ਦਾ ਕਹਿਣਾ ਹੈ ਕਿ ਸਾਰੇ ਪੱਖ ਵੇਖਦੇ ਹੋਏ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਸਕੂਲ ਵਾਇਰਸ ਸੰਬੰਧੀ ਹਾਲਾਤਾਂ ਨਾਲ ਸਹੀ ਢੰਗ ਨਾਲ ਨਜਿੱਠ ਰਹੇ ਹਨ।
ਉਨ੍ਹਾਂ ਕਿਹਾ ਕਿ ਇਹੀ ਕਾਰਨ ਹੈ ਕਿ ਸੂਬੇ 'ਚ ਕਰੀਬ 1,600 ਸਕੂਲਾਂ 'ਚ 4 'ਚ ਫੰਕਸ਼ਨਲ ਕਲੋਜ਼ਰ ਲਾਗੂ ਹੋਏ ਹਨ।
