16.81C Vancouver 16.81C VancouverSep 18, 2023 8:45 PM - Connect News
ਪੰਜ ਅਮਰੀਕੀ ਨਾਗਰਿਕ ਇਰਾਨ ਦੀ ਕੈਦ ਚੋਂ ਅਮਰੀਕਾ ਜਾਣ ਲਈ ਰਵਾਨਾ ਹੋ ਗਏ ਹਨ।
ਈਰਾਨ ਨਾਲ ਅਦਲਾ-ਬਦਲੀ ਕਰਕੇ ਰਿਹਾਅ ਹੋਏ ਅਮਰੀਕੀ ਕੈਦੀ ਕਤਰ ਪਹੁੰਚ ਗਏ ਹਨ।
ਇਨ੍ਹਾਂ ਕੈਦੀਆਂ ਦੀ ਰਿਹਾਈ ਦੇ ਬਦਲੇ ਅਮਰੀਕਾ ਦੱਖਣੀ ਕੋਰੀਆ ਵਿੱਚ ਜ਼ਬਤ ਇਰਾਨ ਦੇ ਕਰੀਬ 6 ਬਿਲੀਅਨ ਡਾਲਰ ਛੁਡਵਾਏਗਾ।
ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਈਡਨ ਨੇ ਕਿਹਾ ਕਿ ਪੰਜ ਬੇਕਸੂਰ ਅਮਰੀਕੀ ਆਖ਼ਰਕਾਰ ਘਰ ਆ ਰਹੇ ਹਨ।
ਬਾਈਡਨ ਨੇ ਅਮਰੀਕੀਆਂ ਨੂੰ ਈਰਾਨ ਦੀ ਯਾਤਰਾ ਨਾ ਕਰਨ ਦੀ ਅਪੀਲ ਕੀਤੀ ਅਤੇ ਉਹਨਾਂ ਨੇ ਇੱਕ ਸਾਲ ਪਹਿਲਾਂ ਲਾਪਤਾ ਹੋਏ ਅਮਰੀਕੀ ਨਾਗਰਿਕ ਬੌਬ ਲੇਵਿਨਸਨ ਬਾਰੇ ਵੀ ਹੋਰ ਜਾਣਕਾਰੀ ਦੀ ਮੰਗ ਕੀਤੀ।
ਤਿੰਨ ਸਾਬਕਾ ਕੈਦੀ ਸਿਆਮਕ ਨਮਾਜ਼ੀ, ਇਮਾਦ ਸ਼ਾਰਘੀ ਅਤੇ ਮੋਰਾਦ ਤਹਬਾਜ਼ ਦਾ ਕਤਰ ਵਿੱਚ ਅਮਰੀਕੀ ਰਾਜਦੂਤ ਟਿੰਮੀ ਡੇਵਿਸ ਵੱਲੋਂ ਸਵਾਗਤ ਕੀਤਾ ਗਿਆ।
ਦੱਸ ਦਈਏ ਕਿ ਸਿਆਮਕ ਨਮਾਜ਼ੀ ਨੂੰ 2015 ਵਿੱਚ ਹਿਰਾਸਤ ਵਿੱਚ ਲਿਆ ਗਿਆ ਸੀ ਅਤੇ ਬਾਅਦ ਵਿੱਚ ਜਾਸੂਸੀ ਦੇ ਦੋਸ਼ ਵਿੱਚ 10 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਸੀ।
ਇਮਾਦ ਸ਼ਾਰਘੀ ਨੂੰ 10 ਸਾਲ ਦੀ ਸਜ਼ਾ ਸੁਣਾਈ ਗਈ ਸੀ, ਉਹ ਇੱਕ ਕਾਰੋਬਾਰੀ ਹੈ।
ਮੋਰਾਦ ਤਹਬਾਜ਼ ਈਰਾਨੀ ਮੂਲ ਦਾ ਇੱਕ ਬ੍ਰਿਟਿਸ਼-ਅਮਰੀਕੀ ਸੁਰੱਖਿਆਵਾਦੀ ਹੈ ਜਿਸਨੂੰ 2018 ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਉਸਨੂੰ 10 ਸਾਲ ਦੀ ਸਜ਼ਾ ਵੀ ਮਿਲੀ ਸੀ।
ਅਮਰੀਕਾ ਨੇ ਬਾਕੀ ਦੋ ਕੈਦੀਆਂ ਦੀ ਪਛਾਣ ਦੱਸਣ ਤੋਂ ਇਨਕਾਰ ਕਰ ਦਿੱਤਾ।
