9.73C Vancouver 9.73C VancouverJul 5, 2022 10:23 PM - The Canadian Press
ਯੂਨਾਈਟਿਡ ਟਰੱਕਰਸ ਐਸੋਸੀਏਸ਼ਨ ਦੇ 600 ਤੋਂ ਵਧੇਰੇ ਮੈਂਬਰਾਂ ਨੇ ਇੱਕ ਪਾਸੜ ਢੰਗ ਨਾਲ ਹੜਤਾਲ ਦੇ ਹੱਕ 'ਚ ਵੋਟ ਕੀਤਾ ਹੈ।
ਮਾਮਲਾ ਪੋਰਟ ਆਫ ਵੈਨਕੂਵਰ ਦੇ ਫੈਸਲੇ ਨਾਲ ਸੰਬੰਧਤ ਹੈ।
ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਵੋਟ ਕੈਨੇਡਾ ਡੇਅ ਮੌਕੇ ਯਾਨੀ ਕਿ 1 ਜੁਲਾਈ ਨੂੰ ਕੀਤੀ ਗਈ ਸੀ।
ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਜੇਕਰ ਪੋਰਟ ਆਫ ਵੈਨਕੂਵਰ ਦੀ ਨੀਤੀ ਲਾਗੂ ਹੋ ਜਾਂਦੀ ਹੈ ਤਾਂ 12 ਸਾਲ ਤੋਂ ਪੁਰਾਣੇ ਟਰੱਕ ਪੋਰਟ 'ਤੇ ਕੰਮ ਜਾਰੀ ਨਹੀਂ ਰੱਖ ਸਕਣਗੇ।
ਐਸੋਸੀਏਸ਼ਨ ਦੇ ਇੱਕ ਬਿਆਨ 'ਚ ਕਿਹਾ ਗਿਆ ਕਿ ਇਸ ਨੀਤੀ ਕਾਰਨ ਟਰੱਕ ਚਾਲਕਾਂ 'ਤੇ ਭਾਰੀ ਮਾਲੀ ਦਬਾਅ ਬਣ ਸਕਦਾ ਹੈ।
ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ ਪੋਰਟ ਵੱਲੋਂ ਇਸ ਫੈਸਲੇ ਸੰਬੰਧੀ ਬਦਲਾਅ 'ਤੇ ਚਰਚਾ ਕਰਨ ਤੋਂ ਇਨਕਾਰ ਕੀਤਾ ਜਾ ਰਿਹਾ ਹੈ।
ਇਹ ਨੀਤੀ ਸਿਤੰਬਰ 'ਚ ਲਾਗੂ ਹੋ ਜਾਵੇਗੀ।
ਐਸੋਸੀਏਸ਼ਨ ਦਾ ਕਹਿਣਾ ਹੈ ਕਿ 'ਨੋ ਜੌਬ ਐਕਸ਼ਨ' ਜੁਲਾਈ ਤੋਂ ਹੀ ਸ਼ੁਰੂ ਹੋ ਜਾਵੇਗਾ ਅਤੇ ਇਸ ਨਾਲ ਗੱਲਬਾਤ ਲਈ ਸਮਾਂ ਮਿਲ ਸਕੇਗਾ ਪਰ ਇਸ ਦੇ ਮੈਂਬਰ ਅਗਸਤ ਵਿੱਚ ਹੀ ਸ਼ੱਟਡਾਊਨ ਵੱਲ ਵਧ ਸਕਦੇ ਹਨ।
ਹਾਲਾਂਕਿ ਇਸ 'ਚ ਢਿੱਲ ਹੋ ਸਕਦੀ ਹੈ ਜੇਕਰ ਫੈਡਰਲ ਟਰਾਂਸਪੋਰਟ ਮੰਤਰੀ ਵੱਲੋਂ ਮਾਮਲੇ 'ਚ ਦਖਲ ਦਿੱਤਾ ਜਾਂਦਾ ਹੈ ਜਾਂ ਕੋਈ ਹੋਰ ਚੰਗੇ ਸੰਕੇਤ ਮਿਲਦੇ ਹਨ।
