8.56C Vancouver 8.56C VancouverDec 20, 2023 8:05 PM - The Canadian Press
ਬੀ. ਸੀ. ਦੇ 2022 ਦੇ ਬੱਸ ਕ੍ਰੈਸ਼ ਮਾਮਲੇ ਵਿੱਚ ਪ੍ਰੌਸੀਕਿਊਸ਼ਨ ਸਰਵਿਸਨੇ ਕਿਸੇ ਖਿਲਾਫ ਕੋਈ ਚਾਰਜ ਨਾ ਲਗਾਉਣ ਦਾ ਫੈਸਲਾ ਕੀਤਾ ਹੈ। ਪਿਛਲੇ ਸਾਲ ਕ੍ਰਿਸਮਿਸ ਤੋਂ ਪਹਿਲਾਂ ਬਰਫ ਨਾਲ ਭਰੇ ਹਾਈਵੇਅ 'ਤੇ ਬੱਸ ਕ੍ਰੈਸ਼ ਹੋ ਗਈ ਸੀ। ਜਿਸ ਵਿੱਚ 4 ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ।
ਮ੍ਰਿਤਕਾਂ ਵਿਚ ਅੰਮ੍ਰਿਤਸਰ ਦਾ ਵਾਸੀ 41 ਸਾਲਾ ਕਰਨਜੋਤ ਸਿੰਘ ਸੋਢੀ ਵੀ ਸੀ ਜੋ ਕੁਝ ਮਹੀਨੇ ਪਹਿਲਾਂ ਸਤੰਬਰ 2022 ਵਿਚ ਵਰਕ ਪਰਮਿਟ ‘ਤੇ ਕੈਨੇਡਾ ਆਇਆ ਸੀ। ਇਹ ਹਾਦਸਾ ਮੈਰਿਟ ਅਤੇ ਕਲੋਨਾ ਵਿਚਕਾਰ ਓਕਾਨਾਗਨ ਦੇ ਹਾਈਵੇਅ 97 C 'ਤੇ ਵਾਪਰਿਆ।
ਮੀਂਹ ਅਤੇ ਬਰਫਬਾਰੀ ਕਾਰਨ ਰੋਡ ਡਰਾਈਵਿੰਗ ਲਈ ਠੀਕ ਨਹੀਂ ਸੀ, ਇਸ ਕਾਰਨ ਬੱਸ ਫਿਸਲ ਗਈ ਅਤੇ ਉਲਟ ਗਈ। ਅੰਦਰੂਨੀ ਸਿਹਤ ਅਥਾਰਟੀ ਮੁਤਾਬਕ ਹਾਦਸੇ ਵਿੱਚ ਮਾਰੇ ਗਏ ਸਾਰੇ ਵਿਅਕਤੀ 40 ਤੋਂ ਵੱਧ ਉਮਰ ਦੇ ਸਨ।
ਗੌਰਤਲਬ ਹੈ ਕਿ ਬੱਸ ਦੇ ਡਰਾਈਵਰ ਸਣੇ 53 ਲੋਕਾਂ ਨੂੰ ਮੈਰਿਟ, ਕਲੋਨਾ ਅਤੇ ਪੇਂਟਿਕਟਨ ਦੇ ਹਸਪਤਾਲਾਂ ਵਿੱਚ ਇਲਾਜ ਲਈ ਭਰਤੀ ਕਰਵਾਇਆ ਗਿਆ ਸੀ।
