ਵਿਦਿਆਰਥੀਆਂ ਦੇ ਇਕੱਠਾਂ ਅਤੇ ਪਾਰਟੀਆਂ ਤੋਂ ਬਾਅਦ ਯੂਨੀਵਰਸਿਟੀ ਆਫ ਵਿਕਟੋਰੀਆ ਨੇ ਜਤਾਇਆ ਫਿਕਰ

ਯੂਨੀਵਰਸਿਟੀ ਆਫ ਵਿਕਟੋਰੀਆ 'ਚ ਕੀਤੀ ਗਈ ਇੱਕ ਪਾਰਟੀ ਦੀਆਂ ਤਸਵੀਰਾਂ ਉਜਾਗਰ ਹੋਈਆਂ ਹਨ।

ਇਸ ਤੋਂ ਬਾਅਦ ਚਿੰਤਾ ਜਾਹਿਰ ਕੀਤੀ ਜਾ ਰਹੀ ਹੈ ਕਿ ਸਕੂਲਾਂ 'ਚ ਵਾਪਸੀ ਦੌਰਾਨ ਕਿਸ ਕਿਸਮ ਦੀਆਂ ਕੋਵਿਡ-19 ਪਬੰਦੀਆਂ ਦੀ ਪਾਲਣਾ ਕੀਤੀ ਜਾਵੇਗੀ।

ਸਾਨਿਚ ਪੁਲਿਸ ਦਾ ਕਹਿਣਾ ਹੈ ਕਿ ਕਰੀਬ 1,000 ਵਿਦਿਆਰਥੀ ਜਿਸ 'ਚ ਬਹੁਤਿਆਂ ਨੇ ਮਾਸਕ ਨਹੀਂ ਪਹਿਨੇ ਹੋਏ ਸਨ ਉਹ ਐਤਵਾਰ ਰਾਤ ਇੱਕ ਪਾਰਟੀ ਲਈ ਇਕੱਠੇ ਹੋਏ ਸਨ।

ਪੁਲਿਸ ਦਾ ਕਹਿਣਾ ਹੈ ਕਿ ਆਊਟਡੋਰ ਇਕੱਠਾਂ 'ਤੇ ਕੋਈ ਪਬੰਦੀਆਂ ਨਹੀਂ ਹਨ ਅਤੇ ਮਾਸਕ ਅਤੇ ਫਿਜ਼ੀਕਲ ਡਿਸਟੈਨਸਿੰਗ ਦੀਆਂ ਪਬੰਦੀਆਂ ਵੀ ਆਊਟਡੋਰ ਇਕੱਠਾਂ ਲਈ ਨਹੀਂ ਹਨ ਇਸਲਈ ਸਿਰਫ ਅੰਡਰਏਜ ਡਰਿੰਕਿੰਗ ਲਈ 2 ਟਿਕਟ ਜਾਰੀ ਕੀਤੇ ਗਏ।

ਯੂਨੀਵਰਸਿਟੀ ਨੇ ਵਿਦਿਆਰਥੀਆਂ ਨੂੰ ਜ਼ਿੰਮੇਵਾਰੀ ਸਮਝਣ ਦੀ ਅਪੀਲ ਕੀਤੀ ਹੈ ਅਤੇ ਵੱਡੇ ਇਕੱਠਾਂ ਤੋਂ ਬਚਾਅ ਕਰਨ ਨੂੰ ਕਿਹਾ ਹੈ।

ਯੂਨੀਵਰਸਿਟੀ ਆਫ ਵਿਕਟੋਰੀਆ ਦਾ ਟਵੀਟ:

We are strongly urging our students to act responsibly and not gather in large numbers on campus property for parties. This behaviour jeopardizes a safe start to the school year for students, faculty and staff.