15.88C Vancouver 15.88C VancouverMar 24, 2022 8:30 PM - The Canadian Press
ਵੈਨਕੂਵਰ ਕਾਉਂਸਿਲ ਵੱਲੋਂ ਅਗਲੇ ਹਫ਼ਤੇ ਇੱਕ ਮਤੇ 'ਤੇ ਚਰਚਾ ਕੀਤੀ ਜਾਵੇਗੀ ਜਿਸ ਦਾ ਸ਼ਹਿਰ ਦੇ ਵਿੰਟਰ ਓਲੰਪਿਕਸ ਲਈ ਦਾਵੇਦਾਰੀ ਪੇਸ਼ ਕਰਨ ਦੇ ਫੈਸਲੇ 'ਤੇ ਅਸਰ ਪੈ ਸਕਦਾ ਹੈ।
ਮਤੇ 'ਤੇ ਚਰਚਾ ਮੰਗਲਵਾਰ ਨੂੰ ਹੋਣ ਜਾ ਰਹੀ ਹੈ।
ਸੂਬੇ 'ਚ ਵਿੰਟਰ ਓਲੰਪਿਕਸ ਕਰਵਾਉਣ ਜਾਂ ਨਾ ਕਰਵਾਉਣ 'ਤੇ ਬਿਡ ਸੰਬੰਧੀ ਸਿਟੀ ਵੱਲੋਂ ਵੋਟ ਕਰਵਾਈ ਜਾਵੇਗੀ।
ਕੌਂਸਿਲਰ ਕੋਲੀਨ ਹਾਰਡਵਿਕ ਵੱਲੋਂ ਮਤਾ ਪੇਸ਼ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਮਤਾ ਪਾਸ ਹੋ ਜਾਂਦਾ ਹੈ ਤਾਂ ਇਸ ਨੂੰ ਅਕਤੂਬਰ 'ਚ ਹੋਣ ਵਾਲੇ ਮਿਊਨਿਸਿਪਲ ਚੋਣ 'ਚ ਬੈਲਟ ਲਈ ਸ਼ਾਮਿਲ ਕੀਤਾ ਜਾ ਸਕਦਾ ਹੈ।
ਯਾਦ ਰਹੇ ਇਸੇ ਪ੍ਰਕਾਰ ਦੀ ਵੋਟ ਸਾਲ 2003 'ਚ ਵੀ ਹੋਈ ਸੀ।
ਉਸ ਮੌਕੇ ਸਹਿਮਤੀ ਜਾਹਿਰ ਕਰਨ ਸੰਬੰਧੀ ਹੋਈ 64% ਵੋਟਿੰਗ 2010 ਦੇ ਵਿੰਟਰ ਓਲੰਪਿਕਸ ਨੂੰ ਹੋਸਟ ਕਰਨ ਲਈ ਹੋਈ ਸੀ।
ਬੀ.ਸੀ. 'ਚ ਖੇਡਾਂ ਨੂੰ ਮੁੜ ਤੋਂ ਸਾਲ 2030 'ਚ ਹੋਸਟ ਕਰਨ ਸੰਬੰਧੀ ਚਰਚਾਵਾਂ ਦਾ ਦੌਰ ਜਾਰੀ ਹੈ।
ਇਸ ਤਹਿਤ 4 ਲੋਕਲ ਫਰਸਟ ਨੇਸ਼ਨਸ, ਸਿਟੀ ਆਫ ਵੈਨਕੂਵਰ, ਰਿਜ਼ਾਰਟ ਮਿਊਨਿਸੀਪੈਲਿਟੀ ਆਫ ਵਿਸਲਰ ਅਤੇ ਕਨੇਡੀਅਨ ਓਲੰਪਿਕ ਅਤੇ ਪੈਰਾਲਿੰਪਿਕ ਕਮੇਟੀਆਂ ਵੱਲੋਂ ਆਪਸ਼ਨਸ ਐਕਸਪਲੋਰ ਕੀਤੇ ਜਾ ਰਹੇ ਹਨ।
