17.47C Vancouver 17.47C VancouverJun 3, 2024 4:13 PM - The Canadian Press
ਵੈਨਕੂਵਰ ਵਿਚ ਇਕ ਡਰਾਈਵਰ ਨੇ ਸ਼ੁੱਕਰਵਾਰ ਰਾਤ ਕਈ ਵਾਹਨਾਂ ਨੂੰ ਟੱਕਰ ਮਾਰੀ ਅਤੇ ਪੈਦਲ ਜਾ ਰਹੇ ਲੋਕਾਂ ਨੇ ਵਾਲ-ਵਾਲ ਜਾਨ ਬਚਾਈ। ਪੁਲਿਸ ਨੇ ਸ਼ੱਕੀ ਡਰਾਈਵਰ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਵਿਅਕਤੀ ਮਰਸੀਡੀਜ਼ ਚਲਾ ਰਿਹਾ ਸੀ ਅਤੇ ਰਾਤ ਤਕਰੀਬਨ 10 ਵਜੇ ਉਸ ਨੇ ਤਿੰਨ ਵਾਹਨਾਂ, ਇਕ ਦਰੱਖਤ, ਬਾਈਕ ਰੈਕ ਅਤੇ ਸਟਰੀਟ ਸਾਈਨ ਨੂੰ ਟੱਕਰ ਮਾਰੀ।
ਪੁਲਿਸ ਨੇ ਕਿਹਾ ਕਿ ਉਹ ਸਿਫਾਰਿਸ਼ ਕਰ ਰਹੇ ਹਨ ਕਿ ਡਰਾਈਵਰ ਨੂੰ ਖਤਰਨਾਕ ਡਰਾਈਵਿੰਗ ਕਰਕੇ ਕਈਆਂ ਨੂੰ ਟੱਕਰ ਮਾਰਨ ਅਤੇ ਬੇਧਿਆਨੀ ਨਾਲ ਵਾਹਨ ਚਲਾਉਣ ਦੇ ਦੋਸ਼ਾਂ ਲਈ ਚਾਰਜ ਕੀਤਾ ਜਾਵੇ ਕਿਉਂਕਿ ਉਸ ਕਾਰਨ ਕਈ ਲੋਕਾਂ ਦੀ ਜਾਨ ਖਤਰੇ ਵਿਚ ਪੈ ਸਕਦੀ ਸੀ। ਇਸ ਦੌਰਾਨ ਪੈਦਲ ਜਾ ਰਹੇ ਕਈ ਵਿਅਕਤੀ ਉਸ ਕੋਲੋਂ ਵਾਲ-ਵਾਲ ਬਚੇ।
ਔਫੀਸਰਜ਼ ਮੁਤਾਬਕ ਉਸ ਨੇ ਅਲਬਰਨੀ ਸਟਰੀਟ ਵੱਲ ਭੱਜਣ ਦੀ ਕੋਸ਼ਿਸ਼ ਕੀਤੀ ਪਰ ਉਨ੍ਹਾਂ ਨੇ ਉਸ ਨੂੰ ਹਿਰਾਸਤ ਵਿਚ ਲੈ ਲਿਆ। ਉਸ ’ਤੇ ਚਾਰਜਿਜ਼ ਲੱਗਣੇ ਅਜੇ ਬਾਕੀ ਹੈ। ਪੁਲਿਸ ਨੇ ਕਿਹਾ ਕਿ ਉਹ ਜਲਦੀ ਹੀ ਇਸ ਬਾਰੇ ਅਪਡੇਟ ਕਰਨਗੇ।
