ਵੈਨਕੂਵਰ 'ਚ ਮੀਟ ਕਲੀਵਰ ਨਾਲ ਗਰੋਸਰੀ ਸਟੋਰ ਵਰਕਰ ਨੂੰ ਧਮਕਾਉਣ ਵਾਲਾ ਵਿਅਕਤੀ ਇੱਕੋ ਹਫ਼ਤੇ 'ਚ ਦੂਜੀ ਵਾਰ ਗ੍ਰਿਫਤਾਰ

ਵੈਨਕੂਵਰ 'ਚ ਇੱਕ ਗਰੋਸਰੀ ਸਟੋਰ 'ਤੇ ਮੀਟ ਕਲੀਵਰ ਨਾਲ ਵਰਕਰ ਨੂੰ ਧਮਕਾਉਣ ਵਾਲੇ ਵਿਅਕਤੀ ਨੂੰ ਇੱਕੋ ਹਫ਼ਤੇ 'ਚ ਦੂਜੀ ਵਾਰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।

ਵੈਨਕੂਵਰ ਪੁਲਿਸ ਵੱਲੋਂ ਅੱਜ ਇਸ ਸੰਬੰਧੀ ਜਾਣਕਾਰੀ ਦਿੱਤੀ ਗਈ ਹੈ।

ਗ੍ਰਿਫਤਾਰ ਕੀਤੇ ਗਏ ਵਿਅਕਤੀ ਦਾ ਨਾਮ ਕੋਡੀ ਐਕਲਿਨ ਦੱਸਿਆ ਗਿਆ ਹੈ।

ਵਿਅਕਤੀ ਦੀ ਉਮਰ 23 ਸਾਲ ਹੈ।

ਪੁਲਿਸ ਦਾ ਕਹਿਣਾ ਹੈ ਕਿ ਇਸ ਵਿਅਕਤੀ ਨੂੰ ਵੀਰਵਾਰ ਨੂੰ ਇੱਕ ਸਿਕਿਉਰਿਟੀ ਗਾਰਡ ਨੂੰ ਚਾਕੂ ਨਾਲ ਧਮਕਾਇਆ ਸੀ।

ਗਾਰਡ ਨੇ ਸ਼ੱਕੀ ਨੂੰ ਬੁਰਾਰਡ ਅਤੇ ਹੈਲਮਚੈਨ ਸਟ੍ਰੀਟਸ 'ਤੇ ਸਥਿਤ ਇੱਕ ਪ੍ਰਾਈਵੇਟ ਪ੍ਰਾਪਰਟੀ ਤੋਂ ਜਾਣ ਲਈ ਆਖਿਆ ਸੀ।

ਸ਼ੱਕੀ ਨੇ ਗਾਰਡ 'ਤੇ ਹਮਲਾ ਕਰਨ ਦੀ ਧਮਕੀ ਦਿੱਤੀ।

ਕੁਝ ਹੀ ਮਿੰਟਾਂ 'ਚ ਅਫ਼ਸਰ ਮੌਕੇ 'ਤੇ ਪਹੁੰਚ ਗਏ ਤੇ ਸ਼ੱਕੀ ਨੂੰ ਕਾਬੂ ਕਰ ਲਿਆ।

ਇਸ ਵਿਅਕਤੀ 'ਤੇ ਆਪਣੇ ਰਿਲੀਜ ਆਰਡਰ ਸੰਬੰਧੀ ਉਲੰਘਣਾ ਦੇ ਦੋਸ਼ ਲਗਾਏ ਗਏ ਹਨ।

ਇਸ ਤੋਂ ਪਹਿਲਾਂ ਇਸ ਵਿਅਕਤੀ ਨੇ 3 ਜਨਵਰੀ ਨੂੰ ਇੱਕ ਗਰੋਸਰੀ ਸਟੋਰ 'ਤੇ ਇੱਕ ਵਿਅਕਤੀ ਨੂੰ ਧਮਕਾਉਣ ਦੇ ਮਾਮਲੇ 'ਚ ਕਾਬੂ ਕੀਤਾ ਗਿਆ ਸੀ।

ਵੈਨਕੂਵਰ ਪੁਲਿਸ ਦਾ ਟਵੀਟ:

A shoplifter charged with robbery and released on conditions earlier this week has been re-arrested by Vancouver Police after he threatened another man with a knife. https://vpd.ca/news/2022/01/07/vancouver-grocery-store-robber-re-arrested/