12.25C Vancouver 12.25C VancouverApr 2, 2025 5:56 PM - The Canadian Press
ਵੈਨਕੂਵਰ ਖੇਤਰ ਵਿਚ ਘਰਾਂ ਦੀ ਵਿਕਰੀ 6 ਸਾਲਾਂ ਦੇ ਹੇਠਲੇ ਪੱਧਰ 'ਤੇ ਚਲੀ ਗਈ ਹੈ। ਖੇਤਰ ਵਿਚ ਸਪਲਾਈ ਲਗਾਤਾਰ ਵਧਣ ਦੇ ਬਾਵਜੂਦ ਅਜਿਹਾ ਹੋਇਆ ਹੈ ਕਿ ਪਿਛਲੇ ਮਹੀਨੇ ਘਰਾਂ ਦੀ ਵਿਕਰੀ 2019 ਤੋਂ ਬਾਅਦ ਸਭ ਤੋਂ ਹੇਠਲੇ ਪੱਧਰ 'ਤੇ ਆ ਗਈ। ਸਿਟੀ ਦੇ ਰੀਅਲ ਅਸਟੇਟ ਬੋਰਡ ਦਾ ਕਹਿਣਾ ਹੈ ਕਿ ਮਾਰਚ ਦੌਰਾਨ ਵੈਨਕੂਵਰ ਖੇਤਰ ਵਿਚ ਰਿਹਾਇਸ਼ੀ ਵਿਕਰੀ 2,091 ਰਹੀ, ਜੋ ਕਿ ਮਾਰਚ 2024 ਵਿਚ ਦਰਜ ਕੀਤੀ ਗਈ 2,415 ਵਿਕਰੀ ਤੋਂ 13.4 ਫੀਸਦੀ ਘੱਟ ਹੈ ਅਤੇ 10 ਸਾਲਾਂ ਦੇ ਮੌਸਮੀ ਔਸਤ ਤੋਂ 36.8 ਫੀਸਦੀ ਘੱਟ ਹੈ।
ਰੀਅਲ ਅਸਟੇਟ ਬੋਰਡ ਮੁਤਾਬਕ, ਪਿਛਲੇ ਮਾਰਕੀਟ ਵਿਚ 6,455 ਨਵੇਂ ਲਿਸਟਡ ਘਰ ਸਨ ਅਤੇ ਇਹ ਮਾਰਚ 2024 ਤੋਂ 29 ਫੀਸਦੀ ਦਾ ਵਾਧਾ ਸੀ। ਗ੍ਰੇਟਰ ਵੈਨਕੂਵਰ ਰੀਅਲਟਰਜ਼ ਵਿਚ ਡੇਟਾ ਵਿਸ਼ਲੇਸ਼ਣ ਦੇ ਨਿਰਦੇਸ਼ਕ ਐਂਡਰਿਊ ਲਿਸ ਨੇ ਕਿਹਾ ਕਿ ਹੁਣ ਤੱਕ ਬਾਜ਼ਾਰ ਵਿਚ ਖਰੀਦਦਾਰ ਉਸ ਗਿਣਤੀ ਵਿਚ ਨਹੀਂ ਆਏ ਹਨ, ਜੋ ਆਮ ਤੌਰ 'ਤੇ ਸਾਲ ਦੇ ਇਸ ਸਮੇਂ ਵਿਚ ਦੇਖਣ ਨੂੰ ਮਿਲਦੇ ਹਨ।
