20.64C Vancouver 20.64C VancouverFeb 4, 2021 6:29 PM -
ਪੁਲਿਸ ਦਾ ਕਹਿਣਾ ਹੈ ਕਿ ਵੈਨਕੂਵਰ 'ਚ ਵਾਪਰੇ ਸਾਲ ਦੇ ਪਹਿਲੇ ਕਤਲ ਦੇ ਮਾਮਲੇ 'ਚ ਇੱਕ 48 ਸਾਲਾ ਵਿਅਕਤੀ 'ਤੇ ਦੋਸ਼ ਲੱਗੇ ਹਨ।
ਐਤਵਾਰ ਨੂੰ ਡਾਊਨਟਾਊਨ ਈਸਟਸਾਈਡ ਦੇ ਇਲਾਕੇ 'ਚ ਵਾਪਰੀ ਕਤਲ ਦੀ ਵਾਰਦਾਤ 'ਚ ਸੈਕਿੰਡ ਡਿਗਰੀ ਕਤਲ ਦੇ ਦੋਸ਼ ਲਗਾਏ ਗਏ ਹਨ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਦਾ ਨਾਮ ਕੈਨੇਥ ਗੇਟਸ ਹੈ।
ਵੈਨਕੂਵਰ ਪੁਲਿਸ ਅਨੁਸਾਰ ਇਸ ਵਿਅਕਤੀ ਨੂੰ ਉਸ ਵੇਲੇ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਦ ਪੁਲਿਸ ਨੂੰ ਚਾਕੂ ਚੱਲਣ ਦੀ ਦੋਹਰੀ ਵਾਰਦਾਤ ਤੋਂ ਬਾਅਦ ਇੱਕ ਸਿੰਗਲ-ਔਕਿਊਪੈਨਸੀ ਹੋਟਲ 'ਚ ਸੱਦਿਆ ਗਿਆ ਸੀ।
ਪੀੜਤ ਵਿਅਕਤੀ ਦੀ ਪਛਾਣ 40 ਸਾਲਾ ਜੈਰਮੀ ਗ੍ਰੀਨ ਵਜੋਂ ਹੋਈ ਸੀ।
ਮਾਮਲੇ 'ਚ ਇੱਕ 28 ਸਾਲਾ ਵਿਅਕਤੀ ਨੂੰ ਜ਼ਖਮੀ ਹਾਲਤ 'ਚ ਹਸਪਤਾਲ ਪਹੁੰਚਾਇਆ ਗਿਆ ਸੀ।
ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਵਿਅਕਤੀ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ।
