20.39C Vancouver 20.39C VancouverDec 30, 2020 11:25 PM -
ਕ੍ਰਿਸਮਸ ਦੇ ਦਿਨ ਵੈਨਕੂਵਰ 'ਚ ਇੱਕ ਪਾਰਟੀ ਹੋਸਟ ਨੂੰ ਵਾਰ-ਵਾਰ ਕੋਵਿਡ-19 ਸੰਬੰਧੀ ਇਕੱਠਾਂ ਦੇ ਨਿਯਮਾਂ ਦੀ ਉਲੰਘਣਾ ਕਰਨ ਲਈ ਗ੍ਰਿਫਤਾਰ ਕੀਤਾ ਗਿਆ ਹੈ।
ਵੈਨਕੂਵਰ ਪੁਲਿਸ ਦੇ ਸਾਰਜੈਂਟ ਸਟੀਵ ਐਡੀਸਨ ਦਾ ਕਹਿਣਾ ਸੀ ਕਿ ਸਿਤੰਬਰ ਮਹੀਨੇ ਤੋਂ ਇੱਕ ਡਾਊਨਟਾਊਨ ਅਪਾਰਟਮੈਂਟ 'ਚ ਸ਼ੋਰ-ਸ਼ਰਾਬੇ ਅਤੇ ਪਾਰਟੀਆਂ ਸੰਬੰਧੀ 12 ਸ਼ਿਕਾਇਤਾਂ ਆ ਚੁੱਕੀਆਂ ਸਨ।
ਮਾਮਲੇ 'ਚ ਸ਼ਾਮਿਲ ਵਿਅਕਤੀ ਦੀ ਉਮਰ 24 ਸਾਲ ਦੱਸੀ ਗਈ।
ਉਸ ਨੂੰ $2,300 ਦੇ 2 ਜੁਰਮਾਨੇ ਵੀ ਹੋ ਚੁੱਕੇ ਸਨ।
18 ਦਿਸੰਬਰ ਨੂੰ ਫਿਰ ਤੋਂ ਕੀਤੀ ਗਈ ਇੱਕ ਸ਼ਿਕਾਇਤ ਤੋਂ ਬਾਅਦ ਵੈਨਕੂਵਰ ਪੁਲਿਸ ਨੇ ਵਾਰੰਟ ਹਾਸਿਲ ਕਰਨ ਦੀ ਪ੍ਰੀਕਿਰਿਆ ਸ਼ੁਰੂ ਕੀਤੀ।
ਇਸ ਵਿਅਕਤੀ ਦੀ ਗ੍ਰਿਫਤਾਰੀ ਕ੍ਰਿਸਮਸ ਦੇ ਦਿਨ ਹੋਈ ਸੀ।
ਇਸ ਵਿਅਕਤੀ ਨੂੰ ਕ੍ਰਿਸਮਸ ਸਲਾਖਾਂ ਪਿੱਛੇ ਹੀ ਬਿਤਾਉਣੀ ਪਈ।
