13.36C Vancouver 13.36C VancouverMay 25, 2021 8:25 PM -
ਵੈਨਕੂਵਰ ਦੇ ਪੁਲਿਸ ਅਫ਼ਸਰਾਂ ਨੇ ਡਾਊਨਟਾਊਨ ਇਲਾਕੇ 'ਚ ਇੱਕ ਬ੍ਰੇਕ-ਇਨ ਦੀ ਘਟਨਾ ਨੂੰ ਰੋਕਣ 'ਚ ਕਾਮਯਾਬੀ ਹਾਸਿਲ ਕੀਤੀ।
ਪੁਲਿਸ ਦਾ ਕਹਿਣਾ ਹੈ ਕਿ ਐਤਵਾਰ ਦੀ ਸਵੇਰ ਡਾਊਨਟਾਊਨ ਇਲਾਕੇ 'ਚ ਇੱਕ ਸਪੋਰਟਸ ਦੇ ਸਾਮਾਨ ਵਾਲੇ ਸਟੋਰ 'ਚ ਬ੍ਰੇਕ-ਇਨ ਹੋਇਆ ਸੀ।
ਕਥਿਤ ਚੋਰ ਨੇ ਮੌਕੇ ਤੋਂ $20,000 ਤੋਂ ਵਧੇਰੇ ਦੇ ਸਾਮਾਨ ਨਾਲ ਰਫੂਚੱਕਰ ਹੋਣ ਦੀ ਕੋਸ਼ਿਸ਼ ਕੀਤੀ ਸੀ ਪਰ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਮੰਨਿਆ ਜਾ ਰਿਹਾ ਹੈ ਕਿ ਚੋਰੀ ਦਾ ਸਾਮਾਨ ਬਲੈਕ ਮਾਰਕਿਟ 'ਚ ਵੇਚਿਆ ਜਾਣਾ ਸੀ।
ਦੱਸਿਆ ਗਿਆ ਕਿ 2 ਵੀ.ਪੀ.ਡੀ. ਕਾਂਸਟੇਬਲ ਰੌਬਸਨ ਅਤੇ ਹਾਓ ਸਟ੍ਰੀਟਸ ਦੇ ਕੋਲ ਗਸ਼ਤ ਕਰ ਰਹੇ ਸਨ।
ਇਸੇ ਦੌਰਾਨ ਇੱਕ ਸਟੋਰ ਦੇ ਅਲਾਰਮ ਵੱਜਣ ਲੱਗੇ।
ਅਫ਼ਸਰਾਂ ਨੇ ਸਟੋਰ ਤਕ ਪਹੁੰਚ ਕੀਤੀ ਤਾਂ ਬੈਗ 'ਚ ਸਾਮਾਨ ਭਰ ਰਹੇ ਸ਼ੱਕੀ ਨੇ ਭੱਜਣ ਦੀ ਕੋਸ਼ਿਸ਼ ਕੀਤੀ।
ਪਰ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ। ਸ਼ੱਕੀ ਦੀ ਉਮਰ 37 ਸਾਲ ਦੱਸੀ ਗਈ ਹੈ।
ਇਸ ਸ਼ੱਕੀ ਦੀ ਪਹਿਲਾਂ ਹੀ 2 ਬ੍ਰੇਕ ਐਂਡ ਐਂਟਰ ਮਾਮਲਿਆਂ 'ਚ ਭਾਲ ਕੀਤੀ ਜਾ ਰਹੀ ਸੀ।
ਇਸ ਵਿਅਕਤੀ ਨੂੰ ਜੇਲ੍ਹ ਭੇਜਿਆ ਗਿਆ ਅਤੇ ਉਸ 'ਤੇ ਕਈ ਦੋਸ਼ ਲਗਾਏ ਗਏ ਹਨ।
